Josua 9:2 - Buka Blahi Ka Cheke Holo

² Aonu mae king igre ne salo fodu balu nodi soldia mala magra ka mae Josua nei ka armi gna Israel.

Josua 9:2 Iomraidhean Croise

Proveb 11:21

Tutuani fara, Lord ginauna parani naikno te diꞌa na. Nu hata fajiflani ihei te doglo na.

Profet Isaia 54:15

Iara ginauna na theome kuruni kaisei naikno mala magra ka ghotilo. Nu jame ihei te magra ka ghotilo na, ghotilo ginauna uluni mana.

Profet Isaia 8:12

“Ghema Isaia, te ghathoni mare na, iagho ne fatei tei cheke poru te mala roꞌeni kantri Juda, nu iagho thosei ghathoni igne. Eghuteuna iagho thosei mhaghuni glepo te mhaghuni mare igne.

Josua 10:5

Aonu glima mae king vikegna mae Amo igre ne loku fodu, king gna Jerusalem, Hebron, Jamut, Lakis nei Eklon. Mare tei ne kegra ligohoni namono Gibeon ne funu magra ka mare.

Josua 11:1

Mae Jabin, mae ihei te king ka namono Haso, mana ne nomhidi unha te edi mae Josua nei nogna armi teu igre. Aonu mana ne fatei cheke ka mae Jobab mae king gna namono biꞌo Madon, nei mae king gna Simron, nei mae king gna Aksap.

Josua 11:5

Mae king igre tei ne au ka khoꞌu Merom. Mare salo fodu jare mala tei magra ka mae Israel.

Josua 24:11

“ ‘Kate kasa ghotilo ka Khoꞌu biꞌo Jordan te tei Jeriko, naiknodi Jeriko ra neke jifla mei neke magra ka ghotilo, nu iara neke togho ghami ghotilo neke uludi mare. Ke leghugna igne, vikegna mae Aoa, nei vikegna mae Peres, nei vikegna mae Kenan, nei vikegna mae Het, nei vikegna mae Gigas, nei vikegna mae Hivi, nei vikegna mae Jebus teu igre neke mei magra ka ghotilo. Nu iara neke togho ghami ghotilo neke uludi mare gnafa ka magra na.

Thakle 16:14

Thilo naitu igre au nodi nolaghi mala eꞌei kofubobhoi. Aonu thilomare ne tei mala filodi hatimare mae king te gnafa ka nauthoglu gne, mala salo fodudi mare ka narane tuthuana na mala magra balugna God, mae ihei te au nolaghi fateote'o.