Josua 9:19 - Buka Blahi Ka Cheke Holo

¹⁹ Mare ne cheke eghu, “Tahati enihi kaisei nhaꞌa cheke ka mare ka nanghagna Lord noda God. Gognarona tahati theome tangomana te falehedi mare na.

Josua 9:19 Iomraidhean Croise

Eklesiasti 8:2

Iagho mala leghuni chekegna king, naugna iagho neke nhaꞌa chekehi ka God te mala eni iagho igne.

Eklesiasti 9:2

Glepo igne kafe thoke ghita tahati hui. Ihei te doglo, nei ihei te theome doglo, ihei te keli, nei ihei te diꞌa, ihei te klino ka tathagna God, nei ihei te theome klino ka tathagna Mana, ihei te fafara, nei ihei te theome fafara. Mare kaisei nanaba ngala, naugna mare te gnafa na ginauna lehe. Aheva te thokeni naikno te keli na, naikno te diꞌa na ginauna thokeni la. Eghuteuna aheva te thokeni iheire te nhaꞌa cheke ra theome jafra ka iheire te tirodi nhaꞌa cheke ra.

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Josua 9:18

Nu mare ne theome falehedi naiknore, naugna mae lidare neke nhaꞌa chekehi ka nanghagna Lord nodi God mae Israel. Naiknodi Israel igre ne diꞌatadi fara ka mae Josua baludi keha mae lidare eigna nhaꞌa cheke igne.

Josua 9:20

Tahati lisa laodi mala karhau mare, naugna tahati neke enihi nhaꞌa cheke tuana ka mare. Eghuteuna God ginauna para ghita tahati jame te falehedi mare tahati na.