Josua 9:17 - Buka Blahi Ka Cheke Holo

¹⁷ Aonu maedi Israel igre ne tei ke leghudi mare, eghuteuna ka fatilo narane na, mare ne tei posa ka nodi fati namono biꞌo mare igre, Gibeon, Kefira, Berot, nei Kiriat-Jaerim.

Josua 9:17 Iomraidhean Croise

Fapea Samuel 4:2

King Isboset au phei nogna komanda. Nanghadire, mae Bana ghe mae Rekab, thugna mae Rimon, maegna ka namono Berot, vikegna mae Benjamin, naugna namono Berot igne nodi namono vikegna mae Benjamin.

Ululahu Kronikols 12:4

Mae Ismaea, maegna Gibeon, mana kaisei mae lida ka tolufulu nogna soldia nheta mae Devet. Mae Jeremaea, mae Jahasiel, mae Johanan nei mae Josebad ka namono Gedera.

Ululahu Kronikols 2:50

Igre thugna mae Kaleb: Mae Hua gne thugna ululahu mae Kaleb neke karha ka Efrat ka fapea khetogna na. Mae Hua gne kmadi mae Sobal ghe mae Salma. Mae Sobal gne mae ihei teke eꞌei gna namono biꞌo Kiriat-Jaerim. Eghuteuna mae Salma gne mae ihei teke fufunu gna namono Betlehem. Eghuteuna mae Haref fatilo thugna mae Hua igne, mana teke fufunu gna namono Bet-Gadea.

Ululahu Kronikols 2:52

Mae Sobal, mana teke fufunu gna namono Kiriat-Jaerim, mae kuꞌedi vikedi mae Haroe, nei ka kaisei vido ka vikedi mae Menuhot.

Ululahu Kronikols 2:53

Eghuteuna mana jaola kuꞌedi vike te au ka namono Kiriat-Jaerim, vikedi mae Jeta, vikedi mae Puti, vikedi mae Sumat, nei vikedi mae Misra. Eghuteuna naikno ka phei namono Sora ghe Estaol igre neke karha mei ka vike igre.

Ululahu Kronikols 21:29

Ka narane igne, nogna Suga Tapuale Lord teke horo mae Moses ka namono nagou na tifa ia, nei olta mala gahu fafara teu igre kafe au ngala ka vido blahi na jare Gibeon.

Esra 2:25

Kiriat-Jaerim, nei Kefira, nei Berot: 743.

Nehemaea 7:29

Kiriat-Jaerim, nei Kefira, nei Berot: fitu gobi phiatutu thiloi.

Profet Jeremaea 26:20

Tifa na kaisei mae nanghagna na mae Iuraea, mana neke toutonu ka nanghagna Lord. Mae Iuraea igne neke thugna mae Semaea, maegna ka namono Kiriat-Jaerim. Mana jaola neke cheke tibrini namono igne nei kantri igne jateula te eni mae profet Jeremaea igne neku.

Josua 10:2

Mae king igne baludi nogna naiknore ne mhaghu nodi fara, naugna mare laseni namono Gibeon igne kaisei namono biꞌo fara jateula keha namono biꞌo te au nodi king are eghu. Eghuteuna naiknogna namono igne kmana fara salaꞌudi naiknodi Ai, eghuteuna mare jaola thono nheta fara ka magra.

Josua 15:60

Eghuteuna phei namono nanghagna kaisei na Kiriat-Baal keha nanghagna na Kiriat-Jaerim, eghuteuna keha na Raba. Igre phei namono te au ka rijon tuana baludi namono ikodi te gnafa te au faligohodi mare.

Josua 15:9

Eghuteuna nohi igne funu ka vido igne tei posani glokha khoꞌu Nefutoa, eghuteuna ke tei posadi namono te au rhegna thogele Efron. Ke funu ka vido igne doglo tei ka namono Bala, keha nanghagna na Kiriat-Jaerim.

Josua 18:14

Fofotagna ke mosu na fufunu ka vido igne, eghuteuna lithui tei ke mata thogele biꞌo fei Bet-Horon tei posani namono Kiriat-Jaerim, ka nodi rijon vikegna Juda. Igne fofotagna rijon igne ke mosu na.

Josua 18:15

Eghuteuna fofotagna ke mata na funu ka namono Kiriat-Jaerim ke mosu na tei posani glokha khoꞌu Neftoa.

Josua 9:16

Thilo narane ke leghugna nhaꞌa cheke igne, maedi Israel igre laseni te au teu kolho mae igre rhedi mare na.

Josua 9:18

Nu mare ne theome falehedi naiknore, naugna mae lidare neke nhaꞌa chekehi ka nanghagna Lord nodi God mae Israel. Naiknodi Israel igre ne diꞌatadi fara ka mae Josua baludi keha mae lidare eigna nhaꞌa cheke igne.

Josua 9:3

Nu iheire te karha mei ka vikegna mae Hivi te au ka namono Gibeon igre ne nomhini mae Josua te roꞌedi phei namono biꞌo Jeriko ghe Ai,

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.

Jajis 18:12

Kaisei bongi mare ne au rhegna Kiriat-Jaerim ke mosu Juda. Aonu mare kiloni vido igne “Mahane-Dan.” Gaoghathogna na, “Vido aheva vikegna Dan neke au katha vido.” Au ghilei mei posa ka narane gognarogne.

Ululahu Samuel 6:21

Aonu mare ne kurudi keha naikno ne tei Kiriat-Jaerim mala cheke eghu, “Maedi Filistia ra kela hata kela fapulo meihi nogna Bokis Blahi Lord na, eghuteuna mare la mei lilisei ka namono ghehati na. Jame te keli na ghotilo mei hata tei ka nomi namono na.”

Ululahu Samuel 7:1

Aonu maedi Kiriat-Jaerim igre ne tei hata Bokis Blahi igne. Mare ne lilisei ka nogna suga mae Abinadab te au holo ka thogele na. Eghuteuna mare ne taofini mae Eleasa kaisei thugna mae Abinadab, mala reireghini Bokis Blahi igne.