Josua 9:10 - Buka Blahi Ka Cheke Holo

¹⁰ Eghuteuna ghehati jaola nomhidi unha te edi mana ka phei nodi king maedi Amoraet te au ke maghati rhegna Khoꞌu biꞌo Jordan. King Sihon maegna kantri Hesbon ghe king Og maegna kantri Besan, nei namono biꞌo Astarot.

Josua 9:10 Iomraidhean Croise

Ululahu Kronikols 6:71

Keha namono te tufa mare ka vikegna mae Geson igre au ka nodi vido glose vikegna mae Manase. Namono Golan te au ka nohi Besan ghe namono Astarot. Phei namono igre au ke maghati kho'u biꞌo Jordan.

Naba 20:14

Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.

Diutronomi 2:30

Nu King Sihon ne theome snakre ghita tahati te tei salaꞌu ka nogna namono na, naugna Lord neke eni gaoghathogna king mala patugama. Lord neke eni igne mala tangomana tahati te uluni King Sihon.

Josua 12:4

Eghuteuna mae Moses nei hatimare mae Israel ne tei magra ka mae king Og, mae ihei te funei ka kantri Besan ne uluni mana. Mae igne kaisei mae te au teu ka teke vikegna mae Refaem, mae ihei te nheta nei brahu fara. Mae igne mana funei ka phei namono biꞌo Astarot ghe Edrei.

Josua 13:31

Nohi igne jaola tei thokeni keha vidogna Gilead, baludi phei namono Astarot ghe Edrei aheva teke au King Og. Igne glose aheva teke snakre lao mae Moses ka vikegna mae Makia, thugna mae Manase.

Josua 2:10

Ghehati nomhinihi thoutonu eimi ghotilo kate jiflami Ijep ia! Lord neke famojani Thongna Ukru na neke kasa ghotilo ka glose te moja. Eghuteuna ghehati jaola nomhinihi thoutonu eimi ghotilo te falehedi king Sihon ghe king Og, phei mae ka vikegna Amo te au ke maghati Khoꞌu biꞌo Jordan. Ghotilo neke falehedi phei mae igre baludi nodi naikno te gnafara.

Josua 2:9

ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.

Josua 9:11

Nomi mae lida nei naikno teu ghehati re neke cheke ka ghehati mala tarabana keha gano mala ima kate mei ghehati gne mala mei filo ghami ghotilo. Eghuteuna mare cheke ka ghehati mala mei tore ghami ghotilo mala tangomana ghehati te nomi naikno gloku ghotilo na. Eghuteuna ghehati tore ghami ghotilo mala nhaꞌa cheke balumi ghehati mala loku fodu balumi ghotilo.

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.