Josua 8:35 - Buka Blahi Ka Cheke Holo

³⁵ Mae Josua ne iuꞌiju fahui cheke te gnafa teke rioriso mae Moses igre, eghuteuna maedi Israel te gnafa igre ne kafe nomhini nogna vetula mae Moses igne. Eghuteuna goro gaꞌase, goro sua, nei mae phosadi ka keha namono igre eghu jaola au neu baludi mare ne nomhini cheke igne.

Josua 8:35 Iomraidhean Croise

Esra 10:1

Pris Esra tuturupuku soru ke kosigna grengathagna nogna Sugablahi God na ne tarai balu diꞌanagnafa ne tanhi neu, eghuteuna mana ne cheke thakledi nakhibodi naiknodi Israel re. Ka narane igne, kmana nalhaꞌu nei gaꞌase, goro sua eghudi Israel gre mei khapru faligohoni mana, eghuteuna naikno igre jaola ne tanhi fara.

Nehemaea 8:2

Aonu ka narane ululahu ka nhigra igne, mae Esra hata ne mei buka igne, eghuteuna mana kegra haghe ke uludi mae nalhaꞌu, nei goro gaꞌase, nei goro sua iheire te tangomana te laseni unha te iuꞌijuni mana na.

Nehemaea 8:3

Funu hamerane ghilei aublatha, Esra kegra haghe ulu ka glalaba biꞌo igne ne iuꞌiju fabiꞌo ranghidi mae nalhaꞌu, nei goro gaꞌase. Eghuteuna mare te gnafa na ne kafe fanomho fakeli ka cheke te au ka Vetula na igre.

Eksodas 12:38

Kmana naikno la ngau ka keha vike te theome naiknodi Israel re ne jaola ne tei baludi. Eghuteuna mare ne jaola ne atha baludi kmana buluka, sipu nei nanigot.

Profet Jeremaea 26:2

“Iagho tei kegra fari hotei glalaba, mala toutonu nogu cheke iara igre ka naikno te mei funudi Juda te tarai ka nogu Sugablahi iara na are. Iagho toutonu ka mare gobigna lepo te chekedi iara ka iagho ra. Eghuteuna iagho thosei ghatho ihoni kaisei cheke ka unha te chekedi iara igre.

Profet Joel 2:16

Ghotilo ehadi naikno ra mala khapru mei ka Sugablahi igne. Fufunu ka naikno biꞌo, mae biꞌo, gaꞌase majaghani, nalhaꞌu majaghani, nei goro sua te chuꞌu teu ra eghu. Eghuteuna naikno te tolaghi majaghani ra mala jaola jifla mei ka sugadire.

Profet Sekaraea 8:23

“Ka narane tuana, nabotho mae phosa te nhogri nodi cheke re ka nauthoglu igne ginauna hata nogna pohe kaisei Jiu, na cheke faheta eghu ka mana, ‘Iagho snakre ghami ghehati mala tei balumi ghotilo Jerusalem, naugna ghehati nomhini God na au balumi ghotilo.’ ”

Nonomho Te Keli Teke Risoi Mae Mak 10:14

Kate filoni mae Jisas igne, mana ne diꞌatagna fara ka mae fanomhore, ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Mae Khuru 20:27

Naugna iara la chekedihi ka ghotilo gobigna lepo te magnahaghedi God te mala lasedi ghotilo re.

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Diutronomi 29:10

Gognarona ghotilo kafe kegra haghe ke ulugna Lord. Ghotilo mae mala baubatu te gnafa ra, mae funei ra, mae biꞌo ra, mae khuekuꞌe ra, baludi mae te gnafa Israel ra.

Diutronomi 29:11

Ghotilo goro gaꞌase ra, goro sua ra, naikno phosa te mala uge nomi gaju nei mala pala khoꞌu mei teu ka ghotilo ra.

Diutronomi 29:9

“Eghume, leuleghu fata na ghotilo thofno leghuni chekegna nhaꞌa cheke igne mala tangomana ghotilo te au ka nakarha te thofno keli fara.

Diutronomi 31:12

Ka narane tuana, mae nalhaꞌu nei goro gaꞌase teura mala kafe mei, eghuteuna goro sua nei naikno phosa teu te au balumi ghotilo ra jaola kafe mei, mala tangomana mare te kafe nomhini vetula igne. Ka nafnata puhi igne, mare tangomana te laseni puhi te mala ghatho tahuni Lord nomi God. Eghuteuna mala tangomana mare te thofno leghudi cheke te gnafa te au ka vetula igne.

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.