Josua 8:33 - Buka Blahi Ka Cheke Holo

³³ Hatimare mae mala baubatu, mae funei, mae ofisa ka armi, mae biꞌo, mae phosa te gnafa nei maedi Israel te gnafa au neu jare. Mare ne fnota ka phei tothoghei, keha tothoghei na ne kegra ke ulugna thogele Gerisim, eghuteuna keha tothoghei na ne kegra ke ulugna thogele Ebol. Eghuteuna nogna Bokis Nhaꞌa Cheke Lord na au farihotei. Naiknore filo neu ka mae pris te pala Bokis igne ne eni unha teke chekeni mae Moses nogna mae gloku Lord na kate thoke mare ka namono Kenan. Eghuteuna mae pris ne toreni Lord mala fablahidi naiknore.

Josua 8:33 Iomraidhean Croise

Eksodas 12:49

U vetula igne kafe malami ghotilo mae Israel ra, nei maladi keha vike te mei au balumi ghotilo are eghu.”

Levitikas 24:22

Eghuteuna neuba mae igne ne ka tharaknamu ghotilo, ba mae phosa au balumi ghotilo, vetula igne malami ghotilo hui, naugna iara Lord, nomi God ghotilo.”

Naba 15:15

Ka tathagna Lord na, ghotilo te gnafa na kaisei nanaba gnafa ngala, neubane mae gna Israel ba mae phosa kolho, vetula gna fafara igne ginauna au fabrahu ka ghotilo gnafa.

Naba 15:16

Eghume ghotilo naiknomi Israel nei mae phosa teura, vetula igne kolho mala leghuni ghotilo na.’ ”

Naba 15:29

Vetula mala hata koko nakhibogna mae ihei te theome ghathoni mala eni teuna, maladi kolho naiknodi Israel nei naikno phosa te au balumi ghotilo are.

Jone 4:20

Tifa na mae ku'emi ghehati mae Samaria gre neke tarai lao ka God ka thogele igne. Nu ghotilo mae Jiure te chekei na Jerusalem kolho thofno vido te mala tei tahati te mala tarai lao ka God na eghu.”

Diutronomi 11:29

Kate hata ghami Lord nomi God te tei ka glose nate hata ghotilo na, ghotilo mala chekedi phei philedi cheke igre. Kate kegra ghotilo ka thogele Gerisim, ghotilo mala chekeni phile cheke aheva gne nate fablahi ghami mana na. Eghuteuna kate kegra ghotilo ka thogele Ebal, ghotilo mala chekeni phile cheke aheva gne nate eni mana puhi biꞌo na te mala thoke ghami ghotilo na.”

Diutronomi 31:12

Ka narane tuana, mae nalhaꞌu nei goro gaꞌase teura mala kafe mei, eghuteuna goro sua nei naikno phosa teu te au balumi ghotilo ra jaola kafe mei, mala tangomana mare te kafe nomhini vetula igne. Ka nafnata puhi igne, mare tangomana te laseni puhi te mala ghatho tahuni Lord nomi God. Eghuteuna mala tangomana mare te thofno leghudi cheke te gnafa te au ka vetula igne.

Diutronomi 31:25

Kate rioriso te gnafa na, mana ne kilo meidi hatimare mae pris ka vikegna mae Livae mae iheire te pala nogna Bokis Nhaꞌa Cheke Lord. Aonu mana ne cheke eghu ka mare,

Diutronomi 31:9

Aonu mae Moses ne rioriso nogna Buka vetula Lord na ne tusu lao ka hatimare mae pris nei mae iheire te baubatu ka naiknodi Israel. Mae pris igre ka vikegna mae Livae, eghuteuna mare tangomana te pala nogna Bokis Blahi Nhaꞌa cheke Lord.

Josua 23:2

Aonu kaisei narane Josua ne kilo fodudi mae biꞌodi Israel, nei mae komanda te gnafa, nei mae mala baubatu te gnafa, nei mae funei te gnafa. Mana ne cheke eghu ka mare, “Gognarona, iara la kuekuꞌe farahi.

Josua 24:1

Josua ne cheke ka vike te gnafa Israel mala kafe mei ka namono Sekem. Kate thoke mare ka vido igne, mana ne kilodi mae biꞌo nei mae mala baubatu, nei hatimare mae funei, nei mae komanda mala mei kegra ke ulugna nogna Suga Tapuale te Blahi Lord.

Josua 3:14

Ka narane tuare Khoꞌu biꞌo Jordan igne nabritha biꞌo koba ka vido te mala dokha gano ka nagare na. Kate jifla naiknore te tei kasa ka khoꞌu na, mae pris te pala Bokis Blahi na igre ne kulu tei, eghuteuna naiknore ne tei ke leghudi mare. Ka vido te kegra mae pris gre lamna khoꞌu biꞌo na,

Josua 3:3

“Kate filodi ghotilo hatimare mae pris, vikegna mae Livae, te tei pala nogna Bokis Nhaꞌa Cheke Lord noda God igre, ghotilo leghudi mare.

Josua 3:6

Ka fapea narane na, mae Josua ne cheke eghu ka hatimare mae pris, “Ghotilo pala Bokis Blahi igne mala tei ului. Eghuteuna naikno te gnafare ginauna ari ke leghumi ghotilo.” Eghuteuna mae pris re ne leghuni unha te chekeni mana na.

Josua 4:10

Mae pris igre kegra fabrahu farihotei khoꞌu biꞌo ne ghilei gnafa unha teke chekeni Lord ka mae Josua, jateula unha teke chekeni Moses ka Josua tifa. Naiknore ghosei ne kasa ka keha phile khoꞌu na.

Josua 6:6

Aonu mae Josua thugna mae Nun igne ne kilodi hatimare mae pris igre ne cheke eghu ka mare, “Ghotilo fitu mae pris te hata khufli teke horo ka hona sipu ra, ginauna tei ke uludi mae pris te pala nogna Bokis Blahi Nhaꞌa Cheke Lord igre.”