Josua 8:3 - Buka Blahi Ka Cheke Holo

³ Aonu mae Josua balu nogna soldia tarabana ne tei Ai. Mana ne vavahi tolufulu thogha mae nheta ne jifla bongiro.

Josua 8:3 Iomraidhean Croise

Eksodas 17:9

Aonu mae Moses ne cheke eghu ka mae Josua, “Iagho na vavahi keha mae ka mae tahati igre mala jifla nathuꞌu mala tei magra ka hatimare mae Amalek. Nu iara ginau na kegra ka thogele ikoi igne balugu khodo mala atha iara teku God igne.”

Matiu 24:39

Eghuteuna mare theome laseni kaisei glepo nate thoke mei ginauna. Aonu nabritha biꞌo na ne mei. Eghuteuna naiknore ne kafe knoho fahui. Ginauna na jateula tuana eghu ka narane meigu iara na.

Matiu 24:50

Eghuteuna nogna mae funei mana na ginauna nake pulo mei ka narane te theome tarabana nei theome ghathoni teu mana na.

Matiu 25:6

“Fari hotei bongiro, ka bongi tuana kaisei mae ne poapola eghu fabiꞌo, ‘Mae tholaghi na la meihi! Mei ghotilo mala thafoni mana!’

Ululahu Tesalonika 5:2

Ghotilo thofno laseni fara eigna theo kaisei naikno te laseni. Narane mala ke pulo meigna Lord tuana ginauna farhanidi naikno jateula kaisei mae blau te mei bongiro ia eghu.

Josua 10:7

Aonu mae Josua nomhini igne ne hata nogna armi na baludi nogna mae komandare ne jifla Gilgal ne tei toghodi naikno gna namono Gibeon.

Josua 8:2

Iagho ginauna roꞌeni Ai balugna king, jateula teke eni iagho ka namono Jeriko ia eghu. Nu gognarona ghotilo tangomana te hata nomi glepo te keli malami themi. Eghume gognarona ghotilo tarabana mala magra ka namono tuana. Iagho chekedi keha mae soldia mala tei poru ke leghu namono mala snura kate iho teu mare na.”

Josua 8:4

Mae Josua ne cheke eghu ka mare, “Ghotilo tei poru ke kosi namono nu thosei tei fakhaba eghu, tarabana mala magra.

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Jajis 9:32

Bongi na iagho hata nou armi na mei rhegna namono na eghuteuna ghotilo mala mei poru ka nomi nagare ghehati re.