Josua 8:2 - Buka Blahi Ka Cheke Holo

² Iagho ginauna roꞌeni Ai balugna king, jateula teke eni iagho ka namono Jeriko ia eghu. Nu gognarona ghotilo tangomana te hata nomi glepo te keli malami themi. Eghume gognarona ghotilo tarabana mala magra ka namono tuana. Iagho chekedi keha mae soldia mala tei poru ke leghu namono mala snura kate iho teu mare na.”

Josua 8:2 Iomraidhean Croise

Fapea Kronikols 13:13

Kate cheke teu mae Abaeja na, King Jeroboam ne kurudi keha nogna soldia mala tei poru mata ke leghudi armigna Juda. Eghuteuna mana lilisei keha soldia mala mei ke ulugna armi tuana.

Fapea Kronikols 20:22

Kate funu koje mare te kilo fnaknoni Lord na, Lord ne lilisei phighoro ranghidi soldia di Amon, nei Moab, nei Idom eghu te magnahaghei mei roꞌeni Juda. Nu mare ne theome tangomanadi,

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Proveb 13:22

Mae te keli na tufa glepo te keli ka gragnare. Nu nogna glepo mae diꞌa na, ginauna tei ka naikno te doglore.

Proveb 28:20

Ihei te loku heta te mala ghosei te dedei na, God ginauna theome toghoni mana. Nu ihei te leghuni puhi te doglo na, God ginauna fablahini mana.

Profet Jeremaea 17:11

Ihei te atha sileni ka puhi te theome doglo na, mana jateula nanghaji te blau nakredi ka keha nanghaji na te lilisei ka nogna gnoku thegna na ra eghu. Nogna dedei mana igre ginauna hui kate mae majaghani teu mana na. Eghuteuna leghulahugna mae igne ginauna laseni te nogna gaoghatho naikno na thono fameomekro fara kolho.

Profet Jeremaea 51:12

Rafe haghe nomi flagi ia, fagaglana eigna narane te mala tei paꞌe soru gna gringni thina gna namono tuana! Lilisei soldia faligohodi mare, eghuteuna lilisei kmana mae ka tahati mala reireghi! Lilisei keha soldia mala poru ligoho, mare tangomana te lokini ihei te fariuriu rikha na! Lord na la enihi nogna gaoghatho te mala parani Babilonia. Eghuteuna mana ginauna edi glepo igre leghuni unha teke ghathoni thegna na.

Diutronomi 2:35

Tahati neke hata nodi buluka, sipu, nanigot, dongki nei hose teu mare re, balu famane glepo ka nodi namono mare igre malada theda.

Diutronomi 20:14

Nu ghotilo ginauna tangomana te hata goro gaꞌase, goro sua, buluka nei keha glepo eghu te au ka namono tuana. Ghotilo ginauna tangomana te tathaji nodi gobigna lepo nomi naoka ghotilo re, naugna Lord nomi God la tusu arihi ka ghotilo glepo igre.

Diutronomi 3:2

Nu Lord neke cheke eghu ka iara, ‘Moses, iagho thosei mhaghuni king tuana! Iara ginauna lisa ari mana ka khamemu iagho baludi nogna soldia nei nogna namono te gnafa teu mana re. Ghotilo ginauna faleheni mana jateula teke eni ghotilo ka King Sihon vikegna mae Amoa teke funei Hesbon ia eghu.’

Josua 10:1

King gna Jerusalem Adonisedek, mana ne mhaghu nogna fara kate nomhini thoutonu eigna mae Josua te hata namono biꞌo Ai, eghuteuna goigonihi namono igne. Mana jateula teke eni ka naiknodi Jeriko balugna nodi king na ia neu ne aknu falehe nodi king mare na. Mana jaola ne nomhidi naiknodi Gibeon te mei au ke parigna mae Josua nei naiknodi Israel.

Josua 10:28

Ka narane tuanala mae Josua ne hata namono biꞌo Makeda. Mana aknu falehe ne gnafa naikno gna namono igne. Mana ne eni nafnata puhi igne ka mae king gna namono Makeda jateula teke eni mana ka mae king gna Jeriko ia neu.

Josua 11:14

Mare ne atha maladi thedi gobigna lepo te keli nei buluka eghu te magnahaghedi mare ka namono igne. Eghuteuna mare ne kafe falelehe ne gnafa naikno te gnafa te au ka namono igre.

Josua 6:21

Mare ne thofno aknu falehe ne hui ka naflahi gaꞌase ba nalhaꞌu, mae majaghani, ba mae biꞌo, baludi buluka, sipu, nei dongki.

Josua 8:12

Eghuteuna mae Josua ne vavahi glima thogha soldia ne tei lilisei farihotei Ai ghe Betel.

Josua 8:14

Kate filoni mae king gna Ai armi gna Israel igne, mana baludi nogna mae soldiare chari ne soru ka nabrou na ka glogu Jordan mala magra ka mare. Nu mae king gna Ai igne mana theome lasedi nogna soldia mae Josua te poru teu ke leghugna re.

Josua 8:19

ne tusu tei nogna grojo na fei Ai. Kate filoni igne, maedi Israel teke poru teku igre ghosei ne jifla mei chari ne tei lamna ne gnubra namono na.

Josua 8:24

Ka magra igne, armi gna Israel igne ne ngolhidi mae Ai igre ne tei ka namono nagou na ne aknu falehedi jare. Eghuteuna mare neke pulo mei namono Ai neke falelehedi ne gnafa naiknore jare.

Josua 8:3

Aonu mae Josua balu nogna soldia tarabana ne tei Ai. Mana ne vavahi tolufulu thogha mae nheta ne jifla bongiro.

Josua 8:7

ghotilo jifla mei tei snura ka namono na. Noda God tahati na ginau lisa mei namono tuana ka khameda tahati.

Josua 8:8

Ke leghugna te hatahi ghotilo namono na, ghotilo gnubra namono na leghuni unha teke chekeni Lord. Ghotilo mala leghu fakelini nogu cheke iara igne!”

Josua 8:9

Aonu mae Josua kurudi mare ne tei poru ke mosu farihotei Ai ghe Betel. Nu mae Josua au faleghu neu baludi naiknore bongi tuana.

Josua 9:3

Nu iheire te karha mei ka vikegna mae Hivi te au ka namono Gibeon igre ne nomhini mae Josua te roꞌedi phei namono biꞌo Jeriko ghe Ai,