Josua 8:14 - Buka Blahi Ka Cheke Holo

¹⁴ Kate filoni mae king gna Ai armi gna Israel igne, mana baludi nogna mae soldiare chari ne soru ka nabrou na ka glogu Jordan mala magra ka mare. Nu mae king gna Ai igne mana theome lasedi nogna soldia mae Josua te poru teu ke leghugna re.

Josua 8:14 Iomraidhean Croise

Eklesiasti 9:12

Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.

Profet Isaia 19:11

Hatimare mae mala baubatu ka namono Soan, nodi namono biꞌo mae Ijep, mare fameomekro jateula glepo te theo nafudi eghu kolho. Eghuteuna nogna mae glalase king gna Ijep igre, mare tusu lao gaoghatho fameomekro ka mana. Tore! Jame teuna, faꞌunha eghu chekeni iagho ne lalase iagho teuna, eghuteuna faꞌunha eghu iagho tangomana te chekeni iagho neke vikedi mae king tifa ra teuna?

Profet Isaia 19:13

Hatimare mae mala baubatu ka phei namono Soan ghe Mefis igre la fameomekro gognarona! Mae biꞌo ka kantri igne baubatu fadiꞌadi naiknore!

Profet Daniel 4:31

Kate cheke teu mana igne, mana ne nomhini kaisei cheke ne mei funu kligna, ne cheke eghu, “King Nebukadnesa, fanomho mei ka nogu cheke iara igne. Iara ginauna hata fadelei nogna nolaghi king na ka iagho.

Matiu 24:39

Eghuteuna mare theome laseni kaisei glepo nate thoke mei ginauna. Aonu nabritha biꞌo na ne mei. Eghuteuna naiknore ne kafe knoho fahui. Ginauna na jateula tuana eghu ka narane meigu iara na.

Matiu 24:50

Eghuteuna nogna mae funei mana na ginauna nake pulo mei ka narane te theome tarabana nei theome ghathoni teu mana na.

Diutronomi 1:1

Buka igne au cheke teke cheke mae Moses ka naiknodi Israel ka teke au teu mare ka namono nagou Moab, ka glogu Khoꞌu biꞌo Jordan, rhegna namono Suf nei fari hoteidi namono Paran, Tofel, Laban, Haserot, nei Disahab. Tifa na mare neke posa ka nohi Moab, mae Moses neke uluni King Sihon kokhologna mae Amoa jare Hesbon, eghuteuna neke uluni King Og maegna Besan nei phei nogna namono mana Astarot ghe Edrei. Ihei te jifla ka Thogele Horeb, keha nanghagna na Thogele Sanai, tei posa Kades Banea, mana tangomana te nolo nabagna nabotho kaisei narane. Neuba, mae Moses ne chekeni cheke igne ke leghudi phiatutu finogha teke jifla mare Ijep igre. Ka narane ulu lahugna fabotho kaisei nhigragna finogha tuana, eghuteuna mare aunga neku ka nohi Moab ke maghati ka keha Khoꞌu biꞌo Jordan, mae Moses neke cheke eigna vetula nogna nhaꞌa cheke Lord.

Josua 8:13

Aonu mare ne fnota ka phei tothoghei, keha na ne tei au ke raru, eghuteuna keha na ne tei poru ke mosu namono. Ka bongi tuana mae Josua ne soru ka glogu na.

Josua 8:15

Aonu mae Josua balu nogna tothoghei soldia na chaghini mana ne rikha ne tei ka namono nagou na.

Josua 8:16

King ne ehadi maegna namono na mala ngolhi leghuni mae Josua baludi nogna soldiare. Aonu mare jifla ka namono na ne tei ke leghudi.

Josua 8:5

Nu iara baludi mae te au teu balugu iara igre ginau doglo tei ka namono na. Eghuteuna kate jifla mei maedi Ai igre na, ghehati ginauna figri rikhadi mare.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Jajis 20:37

Ulu lahu na, maedi Israel neke eni kaisei gaoghatho. Gaoghatho igne eghu agne, keha mae ka mare teke poru teke tei lamna namono igre, mare mala gnubra namono igne mala haghe gagahu na kligna. Kate filoni keha tothoghei teke rikha chaghi igne gagahu na, mare figri mala magra ka armigna Benjamin. Aonu, kate theome gnubra nga teu namono igne, armigna Benjamin igne ne aknu falehe tolufulu mae ka armigna Israel. Eghuteuna iagho laseni mare neke eha eghu, “Gognarona tahati uludi mare, jateula teke eni tahati uluia eghu!” Nu, mae teke poru teku igre ghosei ne kegra haghe ne tei lamna namono. Mare tei heva heva lamna ne aknu falehe naiknore eghuteuna gnubra namono igne.