Josua 7:24 - Buka Blahi Ka Cheke Holo

²⁴ Aonu mae Josua baludi naikno te gnafa Israel igre ne batuni mae Ekan ne soru ka glogu Ako. Mare jaola hata nogna silva, nogna pohe, nogna gol, thugna nalhaꞌu, thugna gaꞌase, nogna buluka, nogna dongki, nogna sipu, nogna suga tapuale, nei nogna gobigna lepo fateote'o teke khotodi manare.

Josua 7:24 Iomraidhean Croise

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Thoutonu Eigna Mae Job 20:15

Glepo teke blau igre, jateula ghegna gano eghu mana, nu mana ginauna nake luꞌa tagna. Uve, God ginauna eni mae igne mala luꞌani nafnata gano igne.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Proveb 15:27

Mae te khiri na atha mei puhi biꞌo ka thabuknagna na. Nu mae te tirogna fanomho ka ihei te mei cheke famaemaheni mana mala atha glepo ka mana teuna, mana ginauna karha.

Eklesiasti 5:13

Iara filoni kaisei glepo te diꞌa fara te au ka nauthoglu igne. Kaisei mae salo fodu kmana sileni tarabana eigna nathuꞌu nauriha. Nu puhi igne goigonini kolho thegna.

Profet Isaia 65:10

Eghuteuna iheire te pogho soru ka iara igre nate baubatu te tei nodi buluka nei sipu teure funu ka sare biꞌo ke mosu Saron tei posa ka glogu ke maghati Akoa. Eghuteuna reꞌe ginauna au ghedi kmana buburu te mala ghamu nei gnafa teuna. Iara ginauna eni igne ka naikno te hiro ghau iara re.

Profet Hosia 2:15

Aonu iara ginauna nake tusu fapulo ka naꞌa nagare grep teke hata fadelei iara ka naꞌa tifa ra. Eghuteuna puhi te diꞌa te edi naꞌa igre jateula nabrou te mala tei ka saregna namono Ako teke tei naiknodi Israel tifa ra eghu. Nu iara ginauna na vahini sare igne mala jateula nabrou te keli ra eghu. Ka namono igne na teke pulo mei ka naꞌa gaoghatho te keli na. Eghuteuna naꞌa ginauna nake leghuni nogu cheke iara na, jateula kani teke majaghani teku naꞌa teke jifla mei ka namono Ijep tifa ia eghu.

Josua 15:7

Nohi igne tei posani glogu Akoa eghuteuna ke haghe thokeni namono Debia, eghuteuna ke figri tei ke raru Gelilot tei posani nabrou Adumin te tei posa ka geri thogele na, eghuteuna leghuni nabrou igne tei thokedi phei glokha khoꞌu En-Semes ghe En-Rogel.

Josua 22:20

Ghotilo mala ke ghathoni puhigna Akan te diꞌa mae ihei teke karha ka vikegna mae Sera. Lord neke cheke ka tahati mala gnhubra fahui gobigna lepo re ke lamna namono Jeriko, mala fafara ka mana, nu mae igne neke theome leghuni Lord. Naugna igne Lord neke para ghita tahati hui eigna puhi igne. Eghuteuna theome thegna mana kolho teke lehe eigna nakhibo igne, nu kmana naikno jaola neke lehe.”

Josua 6:18

Nu fiofilo ghami eghu! Thosei hata kaisei glepo malami themi, naugna glepo igre mala gnubra fahui jateula kaisei fafara eghu ka Lord. Jame te eni ghotilo kaisei glepo te diꞌa na, Lord ginauna falehe ghami ghotilo.

Josua 6:21

Mare ne thofno aknu falehe ne hui ka naflahi gaꞌase ba nalhaꞌu, mae majaghani, ba mae biꞌo, baludi buluka, sipu, nei dongki.

Josua 7:1

Lord neke cheke faheta fara ka naiknodi Israel igre mala thosei hata kaisei glepo ka namono Jeriko. Nu kaisei mae ka mare nanghagna na mae Ekan, thugna mae Kami, gragna mae Sabdi, vikegna mae Sera thugna mae Juda tifa igne ne theome leghuni chekegna Lord igne ne blau keha glepo. Lord ne thono diꞌatagna fara ka nafnata puhi te eni mana igne.

Josua 7:23

Mare hata ne mei glepo igre ka mae Josua nei ka hatimare mae biꞌodi Israel, mare lisei soru glepo igre ka glose na ke ulugna Lord.

Josua 7:26

Eghuteuna mare ne bukru thina ke kligna thinigna mae Ekan. Tothoghei thina igne au ngala gognaro na. Naugna igne, mare kiloni vido igne, “Glogu Ako,” gaoghathogna na, Puhi Biꞌo. Ke leghugna igne, Lord ne theome diꞌatagna ka naiknodi Israel.