Josua 7:15 - Buka Blahi Ka Cheke Holo

¹⁵ Eghuteuna mae ihei teke hata glepo mala nako ka khaꞌaghi teku ra tuana nate gnubra falehe ghotilo ka khaꞌaghi balu tharaknagna nei nogna gobigna lepo fateote'o. Naugna mae tuana ne eni kaisei najafra biꞌo te thono diꞌa fara ne ranghini Israel. Eghuteuna mae tuana jaola ne huhughuni nogu cheke iara na.”

Josua 7:15 Iomraidhean Croise

Jenesis 34:7

Kate cheke teu phiamare na, hatimare mae thugna nalhaꞌu mae Jekop re neke pulo mei. Hatimare la nomhinihi u puhi te diꞌa te eni mae Sekem ka gregadi na igne ne thono diꞌatadi fara. Glepo te eni mae Sekem ka thugna gaꞌase mae Jekop na igne thono diꞌa fara ka tathadi mae Israel re.

Fapea Samuel 13:13

Jame te eni iagho puhi igne ka iara na, iara ginauna mamaja nogu fara na theome tangomana nate nonolo ke uludi naiknore. Eghuteuna naikno te gnafa re ginauna na jaola cheke fadiꞌa nigho iagho. Te keli na iagho kulu tore ka king. Mana ginauna theome lhoti nigho iagho te mala tolaghi ka iara na.”

Josua 7:11

Ghotilo tapla jafrahi ka nakhibo. Ghotilo huhughunihi nhaꞌa cheke teke eni iara balumi ghotilo ia. Ghotilo blauhi keha glepo mala thosei hata ghotilo teku iara ra.

Josua 7:16

Hamerane boibongi ka keha narane na, mae Josua ne batudi vike te gnafa Israel igre ne kafe mei ka vikedi thedire, eghuteuna mana ne vahini vikegna mae Juda.

Jajis 20:10

Eghuteuna tahati na tufa soldia igre ka nabotho tothoghei. Kaisei tothoghei mala reireghi gheda gano. Eghuteuna tahati keha tothoghei ra, tahati ginauna tei mala ke tughu fapulo ka maedi Gibea glepo te diꞌa te gnafa teke edi mare ka tahati maeda Israel.”

Jajis 20:5

Ka bongi tuana keha mae ka namono igne mei falithuini suga te au ghepa na. Eghuteuna mare magnahaghei te aknu falehe ghau iara. Nu mare hata fapea khetogu iara na neke repini naꞌa neke ghilei lehe.

Jajis 20:6

Ke leghu na, iara hata thinigna na neke vaevahe ka nabotho phei vido, eghuteuna iara neke tufa neke tei ka nabotho phei vikeda tahati ra. Iara eni igne, naugna maedi Gibea igre eni glepo te thono diꞌa fara na ka tahati Israel.

Ululahu Samuel 26:21

Aonu mae Sol ne cheke eghu, “Ghema Devet, thofno tututani fara. Puhi te eni iara igne thofno diꞌa fara. Thuguo, ke pulo mei. Iara ginauna na theome falehe nigho, naugna iagho ne ghatho tahu ghau iara, eghuteuna bongi ia iagho neke theome falehe ghau iara. Iara naikno fameomekro fara te eni glepo te diꞌa igne ka iagho.”