Josua 7:13 - Buka Blahi Ka Cheke Holo

¹³ “Eghume iagho kegra haghe! Tei fagaedi naiknora, eghuteuna tarabana mala mei ke ulugu iara nathuꞌu. Naugna iara nomi Lord God ghotilo maemi Israel. Ghotilo neke hatahi glepo mala thosei hata ghotilo teku iara ra. Jame te theome koko ghotilo glepo igre na, ghotilo ginauna theome tangomana nate tapla faparidi mae naoka gre.

Josua 7:13 Iomraidhean Croise

Jenesis 34:27

Kate aknu falehe te gnafa mae Simion ghe mae Livae mae nalhaꞌu gna namono na, keha thugna nalhaꞌu mae Jekop re ne tei ka namono na ne hata fateo glepo te keli gna namono na ne tei nodi. Igne ngala ke tughu fapulo gna mare u puhi te diꞌa teke eni mae Sekem ka gregadi na.

Fapea Kronikols 28:10

Eghuteuna gognarona ghotilo magnahaghedi keha naiknodi Jerusalem nei Juda eghu mala nomi naikno sneka ghotilo. Ba, ghotilo gaoghathomi na theome naba te papara eidi nakhibo te edi ghotilo ranghini Lord are?

Matiu 7:5

Ghema, iagho thono jafra tutuani fara! Kulu koko ghu sagho najafra biꞌo jateula phugra gaju biꞌo teu ka tathamu themu ana. Aonu, iagho ginauna tangomana te fifilo fakeli te mala fateni mae kheramu fofodu na, te mala toghoni mana te hata koko iagho najafra ikoi jateula nafrungho gaju teu ka tathagna mana na.

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Josua 3:5

Mae Josua ne cheke eghu ka naiknore, “Ghotilo mala kulu fagae ghami themi ka tathagna Lord, naugna nathuꞌu na, mana ginauna eni kaisei kofubobhoi farihoteida tahati.”

Josua 6:18

Nu fiofilo ghami eghu! Thosei hata kaisei glepo malami themi, naugna glepo igre mala gnubra fahui jateula kaisei fafara eghu ka Lord. Jame te eni ghotilo kaisei glepo te diꞌa na, Lord ginauna falehe ghami ghotilo.

Josua 7:11

Ghotilo tapla jafrahi ka nakhibo. Ghotilo huhughunihi nhaꞌa cheke teke eni iara balumi ghotilo ia. Ghotilo blauhi keha glepo mala thosei hata ghotilo teku iara ra.