Josua 6:5 - Buka Blahi Ka Cheke Holo

⁵ Kate nomhini ghotilo te kufli te raugha mare na, ghotilo kafe eha fabiꞌo. Ka vido narane igne, gringnigna namono te bara ka thina igne ginauna phaꞌe khoko soru pari. Eghuteuna nou mae soldia iagho igre ginauna doglo tei ruma lamna namono.”

Josua 6:5 Iomraidhean Croise

Eksodas 19:19

Eghuteuna naoglagna khufli igne ne taitanhi fabiꞌo fara. Eghuteuna leuleghu fata na mae Moses cheke, eghuteuna God ne cheke tughu ka mana jateula fila biꞌo te poha ra neu.

Profet Isaia 25:12

Neuba namono Moab igre ne bara ne haghe kligna ne lithui ka thina biꞌo mala tangomana mare te poru lamna kate magra na neu, nu God ginauna paꞌe soru pari mala jateula gaughavu glose ra eghu kolho.

Profet Isaia 30:25

Jaola, ka narane tuana, neubane lehe kmana naikno eghuteuna nomi vido mala poru ghotilore ginauna thono diꞌa fara neu. Nu glokha khoꞌu are ginauna loloro soru ka gukhu te gnafa nei ka thogele te gnafa teu are.

Profet Jeremaea 50:15

Khapru faligohoni namono igne, eghuteuna eha fabiꞌo ka mare! Naikno gna namono igne ginauna snakredi thedi ka ghotilo. Nodi vido mala poru mare balugna nodi gringni gna namono na ginauna groꞌe khoko sukha pari. Igne puhigu iara Lord nate paradi mare na. Eghume, iara magnahaghei ghami ghotilo te paradi mare na jateula teke eni mare teke paradi keha naikno ra eghu.

Hibru 11:30

Tifa na naiknodi Israel re neke fatutuani ni God. Naugna igne mare neke tei falithuini thoa Jeriko kaisei fata kaisei narane eghu nabagna namno narane. Eghuteuna fitu fata ka fafitu narane na. Ke leghugna igne gringni thina teke faligohoni namono Jeriko na ne grofo.

Josua 6:16

Ka fafitu fata te tei faligohoni mare namono igne, mae pris igre ne tarabana mala kufli fabrahu. Aonu mae Josua ne cheke eghu ka mare, “Gognarona ghotilo eha fabiꞌo! Naugna Lord la snakrenihi namono igne ka tahati!

Josua 6:20

Kate cheke te gnafa mae Josua cheke igre, mae pris igre kufli ne raugha fara, eghuteuna mare te gnafa na ne kafe thagru ne eha fabiꞌo fara. Eghuteuna gringnigna namono te bara ka thina biꞌo igne ne phike ne grofo pari ka glose na. Eghuteuna mae soldia igre ne kafe chari doglo ne tei ruma lamna namono. Mare ne uluni namono Jeriko ka narane tuana.

Josua 6:4

Fitu mae pris te hata khufli igre ginauna tei ke uludi hatimare pris te pala nogu Bokis Blahi Nhaꞌa Cheke iara igne. Ka fafitu narane te tei faligohoni ghotilo namono igne fitu fata, mae pris te hata khufli igre ginauna kufli.

Josua 6:6

Aonu mae Josua thugna mae Nun igne ne kilodi hatimare mae pris igre ne cheke eghu ka mare, “Ghotilo fitu mae pris te hata khufli teke horo ka hona sipu ra, ginauna tei ke uludi mae pris te pala nogna Bokis Blahi Nhaꞌa Cheke Lord igre.”

Jajis 20:37

Ulu lahu na, maedi Israel neke eni kaisei gaoghatho. Gaoghatho igne eghu agne, keha mae ka mare teke poru teke tei lamna namono igre, mare mala gnubra namono igne mala haghe gagahu na kligna. Kate filoni keha tothoghei teke rikha chaghi igne gagahu na, mare figri mala magra ka armigna Benjamin. Aonu, kate theome gnubra nga teu namono igne, armigna Benjamin igne ne aknu falehe tolufulu mae ka armigna Israel. Eghuteuna iagho laseni mare neke eha eghu, “Gognarona tahati uludi mare, jateula teke eni tahati uluia eghu!” Nu, mae teke poru teku igre ghosei ne kegra haghe ne tei lamna namono. Mare tei heva heva lamna ne aknu falehe naiknore eghuteuna gnubra namono igne.

Ululahu Samuel 17:20

Aonu hamerane boibongi ka keha narane na, mae Devet ne kuruni kaisei mae mala tei reireghi sipu. Aonu mana leghuni unha te chekeni mae kmagna na igne ne atha gano igre jifla ne tei. Mana ne tei posa ka vido aheva te tarabana mala magra teu te eha fabiꞌo teu mae soldiare.

Ululahu Samuel 17:52

Ka narane igne, hatimare mae soldia di Juda nei Israel teu igre ne thagru fabiꞌo ne ngolhi leghudi ne tei posa ka namono Gat, nei ke kosi namono Ekron. Mare ne aknu falehe kmana mae soldia di Filistia ne chara tongana ka nabrou te soru funu Saraem te tei posa Gat nei Ekron.

Ululahu Samuel 4:5

Kate filoni maedi Israel gre nogna Bokis Blahi Lord na te mei thoke ka vido igne na, mare ne thagru fabiꞌo naugna mare ne kelitadi fara, eghuteuna glose na ne nghali tongana.