Josua 6:4 - Buka Blahi Ka Cheke Holo

⁴ Fitu mae pris te hata khufli igre ginauna tei ke uludi hatimare pris te pala nogu Bokis Blahi Nhaꞌa Cheke iara igne. Ka fafitu narane te tei faligohoni ghotilo namono igne fitu fata, mae pris te hata khufli igre ginauna kufli.

Josua 6:4 Iomraidhean Croise

Ululahu Kings 18:43

Eghuteuna mana ne cheke eghu ka nogna mae gloku na, “Iagho tei filo fararu ka thongna gno.” Aonu mana tei ne filo. Kate ke pulo mei na, mana ne cheke eghu, “Iara theome filoni kaisei glepo.” Profet Elija ne kuru fapuloni mana fitu fata.

Fapea Kings 5:10

Eghuteuna mae Elisa kuruni nogna mae gloku na ne tei cheke eghu ka mae Naman, “Iagho tei apu fitu fata ka Khoꞌu biꞌo Jordan, eghuteuna thinimu iagho na ginauna nake keli fapulo.”

Fapea Kings 5:14

Aonu mae Naman soru ka khoꞌu Jordan igne ne apu fitu fata leghuni unha teke chekeni mae profet Elisa na. Eghuteuna ke leghugna te apu te gnafa mana na, guligna mana na neke keli fapulo, eghuteuna thinigna mana na neke klino jateula guli sua majaghani neu.

Fapea Kronikols 13:12

God na au balumi ghehati! Mana ngala nomi lida ghehati na. Nomi pris ghehati gre ginauna tarabana mala kufli trampet mala kilo mei ghami ghehati mala magri ghami ghotilo. Ghotilo maemi Israel, ghotilo thosei magrini Lord nodi God kuꞌemi ghotilo tifa ra! Ghotilo theome tangomana nate uluni magra na!”

Fapea Kronikols 20:17

Ka narane tuana, ghotilo thosei magra ka mare. Nu ghotilo kegra heta, tarabana ofou kolho. Iara ginauna magra ranghi ghami ghotilo, eghuteuna ghotilo ginauna filo ghau iara Lord nate uludi mare na. Ghotilo thosei mhaghu nei glaꞌe soru eghu. Nathuꞌu na ghotilo ginauna tei ke uludi mare, eghuteuna iara ginauna au balumi ghotilo.’ ”

Fapea Kronikols 20:19

Eghuteuna keha mae Livaet ka vikedi mae Kohat ghe mae Kora kegra haghe ne eha fabiꞌo mala kilofnaknoni Lord, nodi God mae Israel.

Fapea Kronikols 20:21

Eghuteuna kate ghusnadi te gnafa gaoghathodi naiknore, mana ne vavahi keha mae mala koje kilofnaknoni Lord tei ke ulugna armi na ne koje eghu, “Tahati cheke tegioni Lord, naugna mana namha ghita fabrahu.”

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Profet Isaia 27:13

Eghuteuna ka narane igne, kaisei mae ginauna kufli mala kafe kilodi vikeda teke hata teke tei mae naoka teke tei au Asiria nei Ijep, mala ke mei mala pogho soruni Lord ka Thogele Blahi Jerusalem.

Levitikas 14:16

Eghuteuna mana ginauna fabothu lao geghesu fei khame nheta gna na ka oliv oel igne, eghuteuna mana fuafusa fitu fata ka glose na ke ulugu iara.

Levitikas 4:6

eghuteuna mana tihi lao geghesugna ka dadara igne eghuteuna krisu kakatha dadara mala fuafusa fitu fata ke ulugu iara Lord ka pohe te bobothogna Chogho te Thofno Blahi fara na.

Profet Sekaraea 4:2

Mana ne ghusna eghu, “Unha te filoni iagho gognarona?” Iara ne cheke eghu ka mana, “Iara ne filoni kaisei thaba mala lilisei juta teke horo mare ka famane gol. Kligna ka thaba igne au kaisei dis mala lilisei oel. Eghuteuna ke klignadi fitu juta igre kafe au fitu wik mala phaedi fitu juta igre.

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.

Naba 23:1

Mae Balam ne cheke eghu, “Iara magnahaghei te edi iagho fitu olta ka vido igne, eghuteuna iagho ginauna atha mei fitu buluka nalhaꞌudi nei fitu sipu nalhaꞌudi ka iara.”

Josua 6:3

Iagho balugna nou armi na tei faligohoni namono igne kaisei fata kaisei narane ghilei thokeni namno narane.

Josua 6:5

Kate nomhini ghotilo te kufli te raugha mare na, ghotilo kafe eha fabiꞌo. Ka vido narane igne, gringnigna namono te bara ka thina igne ginauna phaꞌe khoko soru pari. Eghuteuna nou mae soldia iagho igre ginauna doglo tei ruma lamna namono.”

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Thakle 10:3

Eghuteuna mana ne eha fabiꞌo jateula te ku'e lion neu. Kate eha mana na fitu filare ne cheke tughu.

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Thakle 15:7

Ka vido tuana kaisei ka fati glepo te karha igre ne tusu lao ka fitu engel igre fitu dis teke hohoro ka gol. Dis igre fodu ka diꞌatagna God mae ihei te karha fabrahu tifa tifa.

Thakle 16:1

Aonu iara ne nomhini kaisei cheke ne jifla mei ka Sugablahi na, ne eha eghu fabiꞌo ka fitu engel re, “Tei totofa fitu dis te fodu ka diꞌatagna God are ke kligna nauthoglu.”

Thakle 5:1

Aonu iara ne filoni kaisei pepa brahu te louloku fei khame nhetagna mae ihei te gnokro teu ka nogna sape nafnakno mae King na. Pepa brahu igne mare haru phei gaju ikodi ka phei philegnare neke piphiri. Mare te rioriso ka phei philegnare. Eghuteuna, mare famamhaku pepa igne ka fitu loke.

Thakle 5:6

Aonu iara ne filoni kaisei Lam kegra teu ke ulugna nogna sape nafnakno mae King na farihoteidi fati glepo te karha igre nei hatimare mae biꞌo ka khiloau te kegra falithuini teu nogna sape nafnakno mae King na. Eghuteuna Lam igne jateula teke falelehehi mare eghu filogna na. Mana au fitu honagna nei fitu tathagna. Igre fitu tharunga keli nogna God teke kurudi mana te tei heva heva ka nauthoglu igne.

Thakle 8:2

Iara ne filodi fitu engel re ne kegra neu ke ulugna God. Hatimare ne tusu lao fitu khufli ka mare.

Thakle 8:6

Aonu fitu engel re teke hata fitu khufli, kaikaliti mala ifu.