Josua 6:26 - Buka Blahi Ka Cheke Holo

²⁶ Ka narane igne, mae Josua ne cheke faheta eghu fara ka nanghagna Lord, “Jame ihei te fariu riu babana fapulo namono Jeriko igne, Lord ginauna parani mae tuana. Kate fufunu mana gloku igne na, thugna nalhaꞌu ulu lahu mana na ginauna lehe. Eghuteuna kate loku fahui mana grengathagna bara thina igne na, thugna nalhaꞌu leghu lahu mana na ginauna lehe.”

Josua 6:26 Iomraidhean Croise

Ululahu Kings 16:34

Ka narane te king mae Ehab Israel igre, mae Hiel maegna Betel igne mana neke babana fapulo namono biꞌo Jeriko. Kate loku teu mana ka namono igne, thugna mana, mae Abiram teke kulu karha na ne lehe. Eghuteuna kate eni teu mana grengathagna bara thina na, thugna leghu lahu mana, mae Segub igne jaola ne lehe. Glepo igne ne horoghoto nogna cheke Lord teke chekeni mae Josua thugna mae Nun tifa ia.

Ululahu Kings 22:16

Nu King Ehab ne cheke faheta eghu ka mana, “Jame te cheke iagho ka nanghagna Lord na, iagho chekeni ngala unha te tutuani na! Niha fata chekeni iara glepo igne ka iagho?”

Fapea Kings 2:4

Phia mare au neu Betel, eghuteuna mae Elija ne cheke eghu ka mae Elisa, “Iagho na ofou agne, naugna Lord neke cheke ka iara mala tei Jeriko.” Nu mae Elisa ne cheke eghu ka mana, “Ka nanghagna Lord mae ihei te karha te tifa, iara thofno cheke kate tutuani ka iagho, iara ginauna tei balumu iagho, eghuteuna na theome tei koko nigho iagho.” Aonu phiamare ne kafe tei Jeriko.

Profet Malakai 1:4

Naiknodi Idom teke karha mei ke leghugna mae Iso igre jame cheke eghu, “Neuba mare ne mei goigoni noda namono tahati gne, tahati tangomana teke hohoro fapulo na.” Nu Lord mae ihei te au nolaghi fateoteꞌo igne ne cheke eghu, “Uve, jame teke hohoro fapulo ghotilo na, iara ginauna kiloni namono Idom igne, ‘Nodi namono iheire te tapla jafra ka nakhibo’ eghuteuna Lord ginauna diꞌatagna fabrahu ka naiknodi Idom gre.

Matiu 26:63

Nu mae Jisas ne theome cheke. Aonu mae pris biꞌo na ne cheke eghu, “Gognarona iagho nhaꞌa cheke ka ghehati. Iara magnahaghei nigho iagho ka nanghagna God te karha, cheke kate tutuani ka ghehati. Iagho ngala si mae Kraes Thugna God na ia?”

Mae Khuru 19:13

Keha mae Jiu jaola ne tei tongana ka naikno te fogra re mala fariuriu brue fajifladi naiture ka nanghagna noda Lord Jisas. Mare ne cheke eghu, “Ka nanghagna mae Jisas te toutonu mae Pol igne, iara cheke faheta ranghi nigho mala jifla mei!”