Josua 6:24 - Buka Blahi Ka Cheke Holo

²⁴ Mae Josua baludi nogna soldiare ne thofno gnubra namono igne baludi gobigna lepo fateote'o te au ke lamnagna. Nu gobigna lepo teke horo ka silva nei gol, baludi gobigna lepo teke horo ka bras nei aean teu igre kolho te theome gnubra mare na. Mare hata lepo igre ne lilisei baludi keha glepo te tathaji teku mare ka vido te mala tufru soruni Lord.

Josua 6:24 Iomraidhean Croise

Fapea Samuel 10:5

Nu mae igre ne thono mamaja nodi fara ne tirodi ke posa ka namono na. Kate nomhini mae Devet eigna unha te eni mae Hanun ka nogna mae funei igre na, mana ne fatei cheke eghu ka mare, “Ghotilo thosei nananga mala ghosei ke pulo mei agne Jerusalem. Theo. Ghotilo au Jeriko ke ghilei kotu fapulo gremohomi are ame ke pulo mei nga eghu.”

Fapea Kings 25:9

Mana ne gnubra nogna Sugablahi Lord na, balugna nogna suga biꞌo king na, nei suga te gnafa Jerusalem. Mana goigoni fahui suga te ulu ke lamnagna namono biꞌo igne.

Ululahu Kronikols 18:11

Aonu King Devet ne fablahidi glepo igre mala nogna Lord. Tuana unha te eni mana ka silva nei gol eghu teke hata mana ka teke uludi mana naiknodi Idom, naiknodi Moab, naiknodi Amon, naiknodi Filistia nei naiknodi Amalek.

Naba 31:10

Mare ne nhako namono te gnafa Midian re eghuteuna nodi namono te gnafa teu mae armidi Midian.

Diutronomi 13:16

Aonu ghotilo hata mei bubukrei farihotei namono nodi gobigna lepore. Nako namono tuana baludi gobigna lepore, mala tusu ranghini Lord nomi God jateula fafara te gahu te thono krono ra eghu. Eghuteuna namono tuana ginauna diꞌa fabrahu na theome tangomana na teke kegra haghe na, eghuteuna blahi kaisei naikno na teke loku tagna na.

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Diutronomi 20:16

“Nu kate tei te hata ghotilo namono ka glose teke tusu ari Lord mala khotogna ghotilo teku igne, ghotilo aknu falehe naikno te gnafa nei gobigna lepo te tautagu te gnafa teure.

Josua 11:11

Mare falelehe ne gnafa naikno te gnafa te au ka namono Haso. Theo kaisei mae ka mare te karha na. Eghuteuna leghu lahu na mae Israel gre ne gnubra namono na.

Josua 6:19

Tahati ginauna theome gnubra fahui silva nei gol teu are baludi gobigna lepo teke horo mare ka bras, ba aean. Tahati ginauna tathaji baludi keha glepo teke lilisei teku tahati ra malagna Lord.”

Josua 6:25

Mae Josua ne theome faleheni Rehab balu tharaknagna, naugna naꞌa neke pophoru fakelidi nei fakarhidi neku phei mae teke kuru teidi mae Josua teke sighoni namono Jeriko. Vikegna naikno biꞌo igne au agne Israel ghilei mei posa ka narane gognarogne.

Josua 8:28

Mae Josua ne gnubra namono Ai, eghuteuna namono igne diꞌa fabrahu ghilei mei posa ka narane gognarogne.

Thakle 17:16

Aonu bosu baludi nabotho hona te filodi iagho igre ginauna tirodini thau te vine igne. Mare ginauna hata ka naꞌa glepo te gnafare nei mare ginauna lisa laoni naꞌa mala au soesole kolho. Mare ginauna jaola ghamu fahui nafnahi ka thinigna naꞌa re, eghuteuna nakoni naꞌa ka khaꞌaghi na mala gnubra fahui naꞌa ka khaꞌaghi.

Thakle 18:8

Naugna igne kmana papara biꞌo ginauna thokeni naꞌa ke lamnagna kaisei narane kolho. Tutuani ginauna fograre nei glehe rofo na mei, eghuteuna naꞌa ginauna tanhi fabiꞌo eigna te kabru ghegna na. Eghuteuna naꞌa ginauna nhako ka khaꞌaghi. Naugna Lord God mae ihei te fateni namono igne thono nafnakno fara.”