Josua 6:19 - Buka Blahi Ka Cheke Holo

¹⁹ Tahati ginauna theome gnubra fahui silva nei gol teu are baludi gobigna lepo teke horo mare ka bras, ba aean. Tahati ginauna tathaji baludi keha glepo teke lilisei teku tahati ra malagna Lord.”

Josua 6:19 Iomraidhean Croise

Fapea Samuel 8:11

Mae Devet hata namha igre ne tusu ranghini Lord. Igne unha te eni koba mana ka gol nei silva teu te hata mana kate uludi nogna naokare.

Ululahu Kings 14:26

Mana hata ne tei gobigna lepo te keli teke au ka nogna Sugablahi Lord na, nei ka nogna suga biꞌo King. Mana hata gobigna lepo igre baludi greoreo teke horo King Solomon ka gol.

Ululahu Kings 7:51

Kate gnafa king Solomon glokugna nogna Sugablahi Lord igne, mana hata ne mei silva nei gol nei keha glepo teke fablahi kmagna mana, King Devet tifa, ne lilisei ka Sugablahi na.

Fapea Kings 24:13

King Nebukadnesa ne jateula teke kulu chekeni Lord tifa ra neu ne hata ne tei gobigna lepo te keli teke au ka nogna Sugablahi Lord, nei sugagna king teure. Mana ne hata koko gol teke lilisei King Solomon ka Sugablahi na.

Ululahu Kronikols 18:11

Aonu King Devet ne fablahidi glepo igre mala nogna Lord. Tuana unha te eni mana ka silva nei gol eghu teke hata mana ka teke uludi mana naiknodi Idom, naiknodi Moab, naiknodi Amon, naiknodi Filistia nei naiknodi Amalek.

Ululahu Kronikols 26:20

Hatimare thabusigna te Livaet ka tharaknadi mae Kora ghe mae Merari igre mare te fiofilodi re gol nei silva teugna Sugablahi na, eghuteuna mare reireghidi chogho te mala liliseidi gobigna lepo teke tusu laohi naiknore ka Lord.

Ululahu Kronikols 26:27

Kate uluni mae soldia gre u magra na, mare hata kmana glepo te keli ka mae naoka re, eghuteuna mare hata ne mei glepo igre ne tusu lao ka God, mala tangomana mare te loku ka nogna Sugablahi Lord.

Ululahu Kronikols 26:28

Mae Selomot nei hatimare thabusigna ne fiofilodi keha glepo te keli te au ka Sugagna Lord teke lilisei Profet Samuel, King Sol thugna mae Kis, mae Abna thugna mae Ner, nei mae Joab thugna Seruia.

Ululahu Kronikols 28:12

Gaoghatho igre neke tusu lao Tharunga gna God ka mae Devet, eghuteuna mana tusu lao ka Solomon. Igne gaoghatho eigna ke kosi te lithui ka Sugablahi na, nei gaoghatho eidi chogho te mala liliseidi glepo te mala loku ka Sugablahi na, nei gaoghatho eigna chogho te mala tathajidi glepo teke tusu lao naiknore ka Lord.

Fapea Kronikols 15:18

Aonu gobigna lepo teke edi ka gol nei silva, nei keha glepo teke fablahi mana ghe kmagna re, mare ne lilisei glepo igre ka nogna Sugablahi God.

Fapea Kronikols 31:12

Kate tarabanahi mare chogho igne, mare hata ne mei gano nei keha glepo eghu teke hata teke mei naiknore igre ne lilisei ka chogho igne. Kaisei mae Livaet nanghagna na, mae Konanaea te mala reireghidi re glepo igre. Thabusigna mana mae Simei gne te fapea ka mana na.

Nehemaea 10:38

Kate tei mae Livaet igre te mala salo fabothodi igre, kaisei mae pris ka tharaknagna mae Eron igre ginauna tei baludi mare. Eghuteuna mae Livaet igre ginauna jaola tei hata mei kaisei vido ka fabothodi nodi glepo re, eghuteuna mare hata glepo igre tei lilisei ka choghogna nogna Sugablahi God na, ka vido aheva te lilisei mare keha glepo blahi te mala loku ka Sugablahi na.

Profet Jeremaea 38:11

Aonu mae Ebed-Melek atha tolufulu mae balugna ne tei ka kaisei chogho ka suga gna king aheva te lilisei mare nogna famane glepo mae king na. Eghuteuna mare ne atha keha pohe thiꞌatifa ka vido igne atha ne tei ka khora kho'u igne. Mare haru ka phukri ne farurhu soru ka mae Jeremaea.

Levitikas 19:24

Ka fafati finogha na, ghotilo hata mei sisi igre ka iara jateula kaisei glepo blahi eghu mala kilo fnakno ghau iara Lord.

Profet Maeka 4:13

Lord ne cheke eghu, “Ghotilo naiknomi Jerusalem! Ghotilo tei goigoni di mae naoka! Iara ginauna farheta ghami jateula buluka nalhaꞌugna honagna na jateula aean, eghuteuna ghahegna pari na jateula bras. Eghuteuna ghotilo ginauna tapla ke klignadi ka naikno ka kantri te kmana te jateula buluka te tapla ka wit te khoko guligna na ra eghu. Eghuteuna gobigna lepo te uludi ghotilo ka magra, ghotilo ginauna tusu mei ka iara Lord, nodi Funei naikno te gnafa ka nauthoglu igne.”

Naba 31:11

Mare atha ne teidi naikno te gnafare nei nodi gobigna lepo te keli nei glepo te tautagu teu mare re.

Naba 31:12

Aonu mare neke pulo ka mae Moses ghe mae pris Eleasa nei ka naikno te gnafa Israel re ka nodi namono thedi na ka vido te sare biꞌo jare Moab, ka keha philegna khoꞌu Jordan te funu Jeriko na.

Naba 31:22

Gol, silva, bras, aean nei keha glepo la ngau te theome tangomana khaꞌaghi te goigonidire, ghotilo ginau ke gahu ka khaꞌaghi, eghuteuna ke leghu na, ghotilo ginauna ke wasi ka khoꞌu igne mala ke gae glepo tuare ka tathagna Lord na. Nu keha glepo te theome tangomana gahu ka khaꞌaghi re, ghotilo ginauna wasi kolho ka khoꞌu.

Matiu 27:6

Hatimare mae pris ulu ne hata haghe sileni igne ke lamnagna Sugablahi na. Mare ne cheke eghu, “Noda vetula tahati na theome snakreni te tathaji sileni igne baludi sileni gna Sugablahi igne. Naugna sileni igne neke taba eigna glehe naikno.”

Nonomho Te Keli Teke Risoi Mae Mak 12:41

Mae Jisas ne gnokro rhegna tapera te mala salo sileni gna Sugablahi na. Mana filo neu ka naikno te mei lilisei sileni ka tapera na. Kmana naikno dedei mei ne lilisei kmana sileni fara.

Josua 7:11

Ghotilo tapla jafrahi ka nakhibo. Ghotilo huhughunihi nhaꞌa cheke teke eni iara balumi ghotilo ia. Ghotilo blauhi keha glepo mala thosei hata ghotilo teku iara ra.