Josua 6:18 - Buka Blahi Ka Cheke Holo

¹⁸ Nu fiofilo ghami eghu! Thosei hata kaisei glepo malami themi, naugna glepo igre mala gnubra fahui jateula kaisei fafara eghu ka Lord. Jame te eni ghotilo kaisei glepo te diꞌa na, Lord ginauna falehe ghami ghotilo.

Josua 6:18 Iomraidhean Croise

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Eklesiasti 9:18

Gaoghatho te keli na thofno keli fara salaꞌuni glepo mala magra na, nu kaisei mae te diꞌa puhigna na tangomana te goigonidi kmana glepo te keli.

Profet Jona 1:12

Mae Jona ne cheke eghu ka mare, “Iara laseni nuri biꞌo nei maraghata teu te thoke ghita tahati igne, naugna iara neke fariu riu rikhani Lord. Eghume, ghotilo koko soru ghau iara lamna thongna, eghuteuna thongna gne ginauna nake muana.”

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Diutronomi 23:10

Jame kaisei mae theome klino, naugna mana neke mifini te thofa khoꞌu bongiro na, mae igne tei au fadelei thegna narane thongana tuana.

Diutronomi 7:26

Ghotilo thosei hata mei kaisei glepo te diꞌa igre ka sugami re. Jame te eni ghotilo igne na, Lord ginauna goigoni ghami ghotilo jateula mana te goigonidi glepo igre eghu.”

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Josua 7:1

Lord neke cheke faheta fara ka naiknodi Israel igre mala thosei hata kaisei glepo ka namono Jeriko. Nu kaisei mae ka mare nanghagna na mae Ekan, thugna mae Kami, gragna mae Sabdi, vikegna mae Sera thugna mae Juda tifa igne ne theome leghuni chekegna Lord igne ne blau keha glepo. Lord ne thono diꞌatagna fara ka nafnata puhi te eni mana igne.

Josua 7:13

“Eghume iagho kegra haghe! Tei fagaedi naiknora, eghuteuna tarabana mala mei ke ulugu iara nathuꞌu. Naugna iara nomi Lord God ghotilo maemi Israel. Ghotilo neke hatahi glepo mala thosei hata ghotilo teku iara ra. Jame te theome koko ghotilo glepo igre na, ghotilo ginauna theome tangomana nate tapla faparidi mae naoka gre.

Josua 7:15

Eghuteuna mae ihei teke hata glepo mala nako ka khaꞌaghi teku ra tuana nate gnubra falehe ghotilo ka khaꞌaghi balu tharaknagna nei nogna gobigna lepo fateote'o. Naugna mae tuana ne eni kaisei najafra biꞌo te thono diꞌa fara ne ranghini Israel. Eghuteuna mae tuana jaola ne huhughuni nogu cheke iara na.”

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Ululahu Jone 5:21

Uve thuguro, reireghi fakeli ghami themi ka mumuju are. Me gnafa. Iara, mae Jone.