Josua 5:9 - Buka Blahi Ka Cheke Holo

⁹ Lord ne cheke eghu ka mae Josua, “Gognarona, iara na hata fadelei mamaja teke au ka ghotilo funu ka narane teke au sneka ghotilo Ijep tifa ia.” Naugna igne, mare kiloni namono igne Gilgal, gaoghathogna na, “Hata fajifla,” eghuteuna nangha igne au ngala ghilei mei posa ka narane gognarogne.

Josua 5:9 Iomraidhean Croise

Jenesis 34:14

Hatimare mae thabusigna igre ne cheke eghu ka phia mare, “Ghehati theome magnahaghei te snakreni gregami na te mala tolaghi ka mae ihei te theome vahe na. Jame te snakreni ghehati gregami na te tolaghi ka mana na, ghehati ginauna na mamaja nomi fara.

Fapea Samuel 19:15

Kate pulo mei mae Devet Jerusalem na, naiknodi Juda re ne kafe tei Gilgal mala thafoni mana ka Khoꞌu biꞌo Jordan. Mare toghoni mana ne kasa ka khoꞌu na.

Nehemaea 12:29

nei Bet-Gilgal, nei Geba, nei Asmavet. Mae te au ka kwaea na igre neke ei namono ikodi faligohoni Jerusalem, mala tangomana mare te au namo ka Sugablahi igne.

Nodi Khoje Hatimare Mae Jiu 119:39

Fakarha ghau iara sagho ka nafnata cheke te diꞌa te edi iheire te magnahaghei te tapla fapari ghau iara igre. Naugna te keli na iagho paradi naikno te edi puhi te diꞌa tuare.

Profet Jeremaea 9:25

Lord ne cheke eghu, “Kmana naikno vahe thinidire, nu mare theome leghu ghau iara. Tutuani, narane te mala paradi iara naikno te vahe kolho thinidire la namo meihi.

Profet Esikiel 23:3

Kani majaghanidi na repa neke au Ijep, eghuteuna repa neke gaꞌase vine. Ka namono tuana, mae nalhaꞌure ne mei thuru baludi repa, ne loku ka chuꞌudi repa re.

Profet Esikiel 23:8

Naꞌa leghudi kolho puhi te diꞌa teke edi teke mei funu Ijep kani gaꞌase majaghani gna teku naꞌa na. Ka narane tuana, mae nalhaꞌure mei thuru fodu balugna naꞌa, nei loku ka chuꞌugna re, eghuteuna mare lalahu fadiꞌa balugna naꞌa.

Profet Hosia 4:15

“Ghotilo naiknomi Israel, ghotilo jateula gaꞌase vine eghu tei koko ghau iara. Nu ghotilo naiknomi Juda ra, ghotilo thosei leghudi nafnata puhi te diꞌa te edi naiknodi Israel igre. “Ghotilo thosei tei ka namono Gilgal, ba Bet-Aven mala tei tarai ka mumuju, ba tei mala nhaꞌa cheke ka nanghagu iara mae ihei te karha te tifa.

Levitikas 24:14

“Ghotilo hata mae tuana tei ke kosigna vido te au ghotilo na. Eghuteuna iheire teke nomhini mana teke cheke fadiꞌa na mala tei lisei khamedi re ka phaꞌugna mana na, mala laseni mana te jafra na. Eghuteuna ghotilo te gnafa na fadi faleheni mana ka thina.

Profet Emos 5:5

Ghotilo thosei tei tarai ka namono biꞌo Bereseba, ba fariuriu tei hiro ghau iara ka namono biꞌo Betel, naugna namono igre ginauna groꞌe ka mae naoka. Ghotilo thosei tei tarai ka namono biꞌo Gilgal, naugna naiknodi Gilgal are ginauna tei sosolo ka namono delei.”

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Profet Sefanaea 2:8

Lord mae ihei te au nolaghi igne ne cheke eghu, “Iara nomhidihi naiknodi phei kantri Moab ghe Amon te cheke fahaehaghe nei cheke fadiꞌadi teu nogu naikno iara gre.” Mare cheke eghu fabiꞌo, “Ghehati ginauna nake khotogna nodi glose maedi Juda igne.

Josua 24:14

Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.

Josua 4:19

Naiknore ne kasa ka Khoꞌu biꞌo Jordan ka fabothogna narane nhigra Abib ne tei au Gilgal ke maghati Jeriko.

Josua 5:8

Kate kafe vahe te gnafa na, mare au kmu ka nodi suga tapualere mala ghilei ke mafo fakeli vido teke vahe na.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Ululahu Samuel 7:16

Leuleghu finogha na, mana tei ka thilo namono Betel, Gilgal nei Mispa. Naiknore mei koba ka mana ka thilo namono igre mala cheke fajifladi nei mala fadoglidi eghu mana nodi puhi biꞌo nei magra teure.