Josua 5:4 - Buka Blahi Ka Cheke Holo

^4-7 Thoutonu eigna te vahe igne neke eghu: Ka narane teke jifla mare Ijep igne, mae biꞌo nei mae majaghani teure neke kafe vahehi. Naugna te theome leghuni Lord maedi Israel igre na, mana ne lisei ranghidi kaisei papara biꞌo. Papara igne neku agne: Kate jifla mei mare Ijep na, mae te gnafa te nabadi te mala au ka armi na, mare na theome tangomana te tei thoke ka famane kantri aheva teke nhaꞌa chekeni Lord ka mae biꞌodi Israel tifa ra. Naugna mae te mala tei ka magra re, mare neke kafe lehe ka narane teke tei tafri mare ke lamna namono nagou nabagna phiatutu finogha. Aonu Lord ne vahidi thudi mae teke lehe igre mala ke tughudi mare. Aonu mae Josua ne vahe mae majaghani nei mae biꞌo teu igre, naugna kani teke tei tafri mae Israel igre ka namono nagou na, mare neke theome vahe.

Josua 5:4 Iomraidhean Croise

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Ululahu Korin 10:5

Neuba God neke toghodi ngau, kmana theome thofno leghuni mana. Eghume God neke diꞌatagnadi fara nei falehedi neku ke lamnagna namono nagou na.

Diutronomi 2:14

“Nu tolufulu nhana finogha funu ka narane teke jifla tahati Kades Banea, te ghilei mei posa ka narane te kasa tahati ka Khoꞌu Sered. Eghuteuna ka narane tuare, mae te nabadi te mala magra ka magra biꞌo ra mare la kafe lehehi ke lamna namono nagou jateula teke chekeni Lord ia neu.

Diutronomi 2:16

“Eghuteuna kate lehe te gnafa mae soldia re,

Josua 5:3

Mae Josua ne thofno leghuni unha teke chekeni Lord igne ne vahe mae nalhaꞌure. Mare ne kiloni vido igne, “Thogele Vahe Guli.”