Josua 5:3 - Buka Blahi Ka Cheke Holo

³ Mae Josua ne thofno leghuni unha teke chekeni Lord igne ne vahe mae nalhaꞌure. Mare ne kiloni vido igne, “Thogele Vahe Guli.”

Josua 5:3 Iomraidhean Croise

Eksodas 4:25

Nu khetogna mana Sipora igne ne atha kaisei thina fnonu ne vahe mae sitei igne, eghuteuna atha katha vido guli ne faplata lao ka ghahegna mae sitei na. Aonu naꞌa ne cheke eghu ka mana, “Dadara igne ginauna reireghi nigho mala karha iagho.” Eghuteuna naugna mae sitei la vahehi, Lord na theome faleheni Moses.

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Josua 5:2

Ka narane igne, Lord ne cheke eghu ka mae Josua, “Iagho edi keha naflahi ka thina te fnonu mala vahe mae iheire teke theome vahe nga teu ka vikegna Israel.”

Josua 5:4

Thoutonu eigna te vahe igne neke eghu: Ka narane teke jifla mare Ijep igne, mae biꞌo nei mae majaghani teure neke kafe vahehi. Naugna te theome leghuni Lord maedi Israel igre na, mana ne lisei ranghidi kaisei papara biꞌo. Papara igne neku agne: Kate jifla mei mare Ijep na, mae te gnafa te nabadi te mala au ka armi na, mare na theome tangomana te tei thoke ka famane kantri aheva teke nhaꞌa chekeni Lord ka mae biꞌodi Israel tifa ra. Naugna mae te mala tei ka magra re, mare neke kafe lehe ka narane teke tei tafri mare ke lamna namono nagou nabagna phiatutu finogha. Aonu Lord ne vahidi thudi mae teke lehe igre mala ke tughudi mare. Aonu mae Josua ne vahe mae majaghani nei mae biꞌo teu igre, naugna kani teke tei tafri mae Israel igre ka namono nagou na, mare neke theome vahe.