Josua 5:14 - Buka Blahi Ka Cheke Holo

¹⁴ Nu mae igne ne cheke eghu, “Theo, iara mei agne naugna iara mae komanda gna nogna armi Lord.” Kate nomhini mae Josua igne, mana ne pogho soru pari ne cheke eghu ka mae igne, “Mae biꞌo, iara nou mae gloku iagho. Unha te magnahagheni iagho te mala eni iara na?”

Josua 5:14 Iomraidhean Croise

Jenesis 17:17

Mae Ebraham ne pogho soru pari ne maꞌe. Mana ne jaglo nogna ne cheke eghu ka thegna, “Tore, jateula iara mae tela kaisei gobi finoghagu hi gne eghu site mala ke au sua na ia? Eghuteuna Sera gne teuna la nheva salei finogha gnahi gognaro na la theome tangomanahi te au sua na.”

Jenesis 17:3

Mae Ebram ne pogho soru pari, eghuteuna God ne cheke eghu ka mana,

Fapea Samuel 7:19

Eghuteuna Lord God, glepo te chekedi iagho eidi nauthuꞌu nauriha ka vikegu iara igre keli fara salaꞌudi glepo teke edi iagho ka iara tifa ra. Iara naikno kolho, nu iagho Lord God, iagho eni kaisei glepo te thofno ulu fara ka iara.

Fapea Samuel 7:20

“Unha nafnata cheke naba te mala cheke iara ka iagho na Lord God? Iara nou mae gloku iagho kolho, eghuteuna iagho lase fakeli ghau iara.

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Nodi Khoje Hatimare Mae Jiu 24:10

Mae ihei te mae king biꞌo na? Lord ngala mae ihei te nheta ne au nolaghi biꞌo teu ke uludi naikno te gnafa ka nauthoglu igne na ngala te mae king biꞌo na.

Eksodas 4:10

Nu Moses ne cheke eghu ka Lord, “Lord, iagho thosei kuru ghau iara, naugna funu tifa te mei na, iara theome raꞌe cheke fakeli. Eghuteuna neuba iara ne chekehi balumu iagho, nogu cheke iara gre theome keli kolho. Iara cheke ghu na thoghei fara, eghuteuna iara theome laseni te cheke fakelidi chekere.”

Eksodas 4:13

Nu Moses ne cheke eghu, “Lord, iara tore nigho mala kuruni kaisei mae ngau!”

Profet Isaia 55:4

Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.

Profet Isaia 6:8

Aonu Lord God ne cheke eghu, “Ihei nate kuruni iara na? Eghuteuna ihei nate tei toutonuni chekegu iara na?” Iara ne cheke eghu, “Iara au teu ao! Kuru tei ghau iara!”

Profet Esikiel 3:23

Aonu iara tei ne kegra ka sare biꞌo igne. Eghuteuna iara ne filoni siasiglagna nogna nolaghi biꞌo Lord igne thono siasigla fara. Siasigla igne jateula siasigla biꞌo teke filoni iara tifa ka gerigna khoꞌu biꞌo Keba, eghuteuna iara thuru soru baludi tathagu nei foflogu teure ka glose na.

Profet Daniel 10:13

Iara neke theome tangomana te mei ka iagho tifa na, naugna engel te diꞌa te reireghini kantri Pesia igne neke fanogra ghau iara nabagna varadaki kaisei narane. Nu engel Maekol mae funeidi engel te keli igre mei ne togho ghau iara. Naugna iara thegu kolho te au agne Pesia te mala magrini engel te diꞌa igne.

Profet Daniel 12:1

Mae tuna ne cheke eghu ka iara, “Ka narane igne, engel Maekol mae funeidi hatimare mae engel te mala reireghidi nou naikno iagho igre ginauna thakle mei. Ka narane igne puhi biꞌo ginauna thoke mei. Tifa na nafnata puhi biꞌo igne neke theome thokeni kaisei kantri ka nauthoglu igne. Kate thoke mei narane igne, God ginauna nake hata fapulo nogna naiknore, naugna nanghadire la auhi ka nogna buka na.

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.

Levitikas 9:24

Khaꞌaghi na megei nga ne jifla mei ka vido te au teu Lord na ne gnhubra fahui nafnahi te gnafa nei garofadi teu fafara ka olta na. Eghuteuna kate filoni igne, naiknore ne thagru fabiꞌo ne pogho soru ka glose na.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Naba 16:45

“Ghopa riu fadelei ka naikno igre! Mala tangomana iara te falehedi naikno igre gognarola!” Nu Moses ghe Eron ne pogho soru foflodi nei tathadi teure pari ka glose na, ne tarai.

Naba 22:31

Aonu Lord ne snakreni mae Balam mala filoni engel te kegra teu jare te loku naflahi mala magra teuna. Kate filoni mana engel na mae Balam pogho soru ne ghilei thoke phaꞌugna na ka glose pari.

Matiu 22:44

“ ‘God ne cheke ranghini nogu mae funei iara na, iagho gnokro agne fei nhetagu iara. Naugna iara ginauna lisei soru nou naoka iagho re ke parigna nou nolaghi iagho na.’

Matiu 8:2

Aonu kaisei mae te thubu biꞌo fara ka thinigna na, khabru te kiloi leprosi, mana mei ne tuturupuku soru ke ulugna mae Jisas. Mana ne cheke eghu, “Mae funei, ne magnahagheni nga iagho nu, iagho tangomana teke fasalhu ghau iara na.”

Luku 1:43

Iagho idogna nogu Lord te mei sigho ghau iara. Naugna unha site eni ka iara glepo te biꞌo fara ignea?

Luku 20:42

Naugna kau buka Sam ia thegna mae King Devet neke cheke eghu, “ ‘God ne cheke ranghini nogu mae funei iara na, iagho gnokro agne fei nhetagu iara.

Luku 5:12

Kaisei fata, mae Jisas au neu ka kaisei namono te au kaisei mae te thubu. Mana thafru ka thubu biꞌo, khabru te kiloi leprosi. Kate filoni mae Jisas na, mana mei ne tuturupuku ke ulugna mae Jisas ne cheke eghu, “Mae funei, ne magnahagheni nga iagho nu, iagho tangomana teke fasalhu ghau iara na.”

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Mae Khuru 9:6

Kegra haghe sagho mala tei ka namono gno. Kaisei mae jare ginauna na cheke ranghi nigho iagho unha te mala eni iagho thogheiro na.”

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Hibru 2:10

God, mae ihei teke vuavuhadi gobigna lepo igre, neke cheke fakelini mana. Mana nabagna te snakreni mae Thugna Jisas Kraes mala au papara. Naugna kate au papara mana igne, God neke fagnafani nogna gloku thegna na ka mae Jisas Kraes, mae ihei tahati te kiloni “Mae mala baubatu ghita kau thofno karha.” God tusu ranghini mae Jisas gloku igne mala tangomana te hata fapulo goro thugna mala au balugna kligna.

Josua 20:1

Kaisei narane Lord ne cheke ka Josua

Thakle 12:7

Aonu kaisei magra biꞌo na ne fufunu kligna. Mae engel biꞌo Maekol baludi nogna engel re ne magra ka pholi biꞌo na. Eghuteuna pholi biꞌo na baludi nogna engel re neke magra fapulo ka mare.