Josua 5:13 - Buka Blahi Ka Cheke Holo

¹³ Kaisei narane, kate tei te namo mae Josua Jeriko igne, mana ne filoni kaisei mae te kegra teu ke ulugna mana na. Mae igne loku kaisei naflahi mala magra. Mae Josua ne tei namo ka mae igne, ne cheke eghu ka mana, “Iagho kaisei mae balumi ghehati, ba iagho kaisei mae naoka?”

Josua 5:13 Iomraidhean Croise

Jenesis 18:1

Kaisei fata ke leghugna igne, Lord ne mei thakle ka mae Ebraham rhegna gaju biꞌo na te au ka namono Mamre. Mana gnokro neu ka grengathagna nogna suga tapuale na kate brana fara naprai na.

Jenesis 18:2

Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.

Jenesis 28:16

Aonu mae Jekop ne dofra haghe ne cheke eghu, “Iara theome laseni te au teu Lord ka vido igne na! Tutuani fara, Lord na au ngala agne balugu iara.”

Jenesis 33:1

Mae Jekop ne filoni mae Iso ne mei balugna fati gobi mae. Aonu mana ne tufa suare fari hoteidi Lea, Resel nei phei gaꞌase glokure.

Jenesis 33:5

Mae Iso ne filo teidi gaꞌase te balu thudi re ne cheke eghu, “Iheire te mei balumu iagho igre?” Mae Jekop ne cheke eghu, “God neke fablahi ghau iara nou mae gloku iagho gne ne tusu mei sua igre ka iara.”

Ululahu Kronikols 12:22

Leuleghu narane na mae te mei loku fodu ka mae Devet igre nogna armi mana na ne ghilei kmana soldia, ne nheta jateula nogna armi God neu.

Ululahu Kronikols 21:27

Eghuteuna Lord ne cheke ka nogna engel na neke nhaꞌa fapulo nogna naflahi mala magra na.

Ululahu Kronikols 21:30

Nu ka narane igne, mae Devet ne theome tei Gibeon mala tarai ka God, naugna mana mhaghuni nogna naflahi mala magra Engel nogna Lord.

Eksodas 23:23

Nogu engel iara na ginau na baubatu ghami ghotilo tei au ka nodi namono hatimare mae Amo nei hatimare mae Hit nei hatimare mae Peres nei hatimare mae Kenan nei hatimare mae Hivi nei hatimare mae Jebus, iara ginau na thofno paradi fara mare.

Profet Daniel 10:5

Iara filo tei ne filoni kaisei mae te pipichi ka famane pohe te vegha fara, eghuteuna nogna nhugha na mare hohoro ka famane gol.

Profet Daniel 8:3

Ka geri khoꞌu igne, iara ne filoni kaisei sipu nalhaꞌugna te au phei hona brahu. Nu hona te kegra haghe ke leghu na brahu fara tei salaꞌuni keha na.

Profet Sekaraea 1:8

Ka bongi, iara ne filoni kaisei mifi. Ka mifi igne iara ne filoni kaisei engel nogna Lord ne gnokro ka hose ukru te kegra ke paridi gaju ikoi te kiloni mare matel ka kaisei glogu ikoi. Ke leghugna mana keha mae gnokro ke kligna hose te ukru, nei hose te via, nei hose te vegha.

Naba 22:23

Kate filoni dongki gne nogna engel Lord te kegra teu fari hoteigna nabrou te louloku naflahi mala magra teuna, dongki na ne theome leghuni nabrou na, nu naꞌa neke tei mhata neu. Mae Balam ne purini nogna dongki na mala ke pulo ka nabrou na.

Naba 22:31

Aonu Lord ne snakreni mae Balam mala filoni engel te kegra teu jare te loku naflahi mala magra teuna. Kate filoni mana engel na mae Balam pogho soru ne ghilei thoke phaꞌugna na ka glose pari.

Mae Khuru 1:10

Kate filoni mare te haghe mae Jisas kau maloa na, phei engel te fahaghe phoko vegha megei nga mei kegra neu rhedi mare.

Josua 6:2

Nu Lord ne cheke eghu ka mae Josua, “Gognarona iara na snakre ari ka iagho namono Jeriko, balugna king, nei hatimare mae soldia fateote'o.

Thakle 1:13

Eghuteuna farihoteidi juta igre, iara filoni kaisei mae filogna na jateula “Mae teke mei funu ka God” eghu. Mana pipichi kaisei pohe te brahu posa ka glose na, eghuteuna mana haru kaisei nhugha teke hohoro ka gol ke pari baegna.

Jajis 13:11

Aonu mae Manoa ne leghuni ne tei khetogna na. Eghuteuna kate filoni mae igne, mana ne ghusna eghu, “Iagho si mae ihei teke mei ka keha narane ia teke cheke balugna khetogu iara ia?” Mana ne cheke eghu, “Uve, iara.”

Jajis 13:22

Manoa mhaghu nogna fara ne cheke eghu ka khetogna na, “Tapa ginauna lehe, naugna tapa la filoni God!”