Josua 4:9 - Buka Blahi Ka Cheke Holo

⁹ Eghuteuna mae Josua jaola ne titili nabotho phei thina fari hotei khoꞌu biꞌo ka vido teke kegra hatimare mae pris teke pala Bokis Blahi igne. Bukrei thina igne au ngala ka vido igne ghilei mei posa ka narane igne.

Josua 4:9 Iomraidhean Croise

Jenesis 26:33

Aonu mae Isak ne kiloni khoꞌu seu igne “Siba”, gaoghathogna na “Nhaꞌa cheke.” Naugna igne gognaro na naiknore kiloi namono biꞌo te au rhegna khoꞌu seu igne “Bereseba” ba “Seu nhaꞌa cheke.”

Jenesis 28:18

Hamerane boibongi ka keha narane na mae Jekop ne hata thina teke kokhogu thegna na ne fakegra haghe ne fablahini nei tofa oel ke kligna gna neu mala ke ghatho fapuloni unha teke chekeni God ka mana na.

Fapea Samuel 4:3

Naiknodi Berot igre rikha neke tei au Gitaem ghilei mei posa ka narane gognarogne.

Ululahu Kings 18:31

Aonu mana ne hata nabotho phei thina, thina igre nanaba ka nabotho phei vike teke karha mei ka nabotho phei thugna mae Jekop, mae ihei Lord te kiloni mana Israel.

Fapea Kronikols 5:9

Phei gaju igre thono brahu fara, jame ihei te kegra ka Chogho biꞌo te Blahi igne na, mana tangomana te filoni khukrudi phei gaju igre. Nu jame ihei te kegra teu kosi ka Sugablahi na, mana theome tangomana te filodire. Phei gaju igre au ngala jare mei thoke gognarogne.

Eksodas 24:12

Ke leghugna igne, Lord ne cheke eghu ka mae Moses, “Iagho haghe ka thogele igne mala mei kegra rhegui iara. Iara ginauna tusu ari ka iagho phei thina tataba teke rioriso soru iara vetula ke klignadi igre mala tei iagho farirhiudi naikno ra.”

Eksodas 28:21

Ka puhi igne, mare na famamhaku nabotho phei thina te nabadi thugna Jekop, igre nabotho phei vikegna Israel. Eghuteuna ke kligna di nabotho phei thina igre, mare ghagra nanghadi nabotho phei thugna Jekop, eghuteuna thina te gnafa igre au kaisei nangha tagna.

Matiu 27:8

Naugna igne mare ne kiloni vido sare te au beku tuana, “Sare dadara,” ghilei posa ka narane gognaro gne.

Matiu 28:15

Aonu mae soldiare hata fofoli ka mare ne leghuni unha te chekeni mae pris ulu igre. Eghume nodi thoutonu mae soldia igre ne tei krepa tongana fari hoteidi mae Jiu, ne ghilei mei thoke ka narane gognarogne.

Diutronomi 34:6

Lord ne giugiluni mana ka kaisei glogu jare Moab rhegna namono Bet-Peo. Nu funu ka narane tuana te mei posa gognarogne theo kaisei naikno te thofno laseni ka vido aheva te au bekugna mana na.

Josua 24:26

Eghuteuna mae Josua rioriso soru u vetula nei cheke teu igre ke lamnagna nogna Buka Vetula God. Eghuteuna mana hata kaisei thina biꞌo ne fakegra haghe ke parigna gaju biꞌo rhegna Suga Tapuale te Blahi na.

Josua 4:10

Mae pris igre kegra fabrahu farihotei khoꞌu biꞌo ne ghilei gnafa unha teke chekeni Lord ka mae Josua, jateula unha teke chekeni Moses ka Josua tifa. Naiknore ghosei ne kasa ka keha phile khoꞌu na.

Jajis 1:26

Aonu mae igne jifla balu tharaknagna teure ne tei au ka nogna vido glose vikegna Het, jare mana ne eni kaisei namono. Mana ne kiloi namono igne Lus, nangha igne au ngala gognaro na.

Ululahu Samuel 30:25

Aonu mae Devet ne eni vetula igne, eghuteuna funu ka narane igne, hatimare mae Israel leghuni vetula igne ne ghilei mei posa ka narane igne.

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”