Josua 4:24 - Buka Blahi Ka Cheke Holo

²⁴ Kate filodi glepo igre, naikno te gnafa ka nauthoglu igne ginauna laseni Lord te au nolaghi biꞌo na, eghuteuna tahati ginauna ghatho tahuni fabrahu mana.”

Josua 4:24 Iomraidhean Croise

Ululahu Kings 8:40

Ka puhi igne, mare ginauna ghatho tahu nigho fabrahu kate au teu mare ka glose teke tusu lao iagho ka kuꞌedi tifa ra.

Ululahu Kings 8:60

Ka puhi igne naikno te gnafa ka nauthoglu igne ginauna laseni te Lord na ngala God te tutuani na.

Fapea Kings 19:19

Nu iagho Lord, iagho nomi God ghehati maemi Israel. Fakarhi ghami ka khamedi mae Asiria gre, eghuteuna naikno te gnafa ka kantri te gnafa ka nauthoglu na igre ginauna laseni te kaisei iagho ngala God na.”

Fapea Kings 5:15

Mae Naman baludi nogna mae gloku re neke figri ka mae nogna profet God. Mae Naman tei ne kegra ke ulugna mana ne cheke eghu, “Tutuani fara, gognarona iara laseni, nomi God ghotilo maemi Israel kolho te tutuani na. Eghume, iara magnahaghei nigho iagho te hata namha ikoi igne.”

Ululahu Kronikols 29:12

Dedei nei nafnakno teu igre mei funudi ka iagho kolho. Iagho funei frunidi thua nafnotu fateote'o gre ka nou nolaghi themu. Eghuteuna iagho ngala tangomana te nhaꞌa hagheni naikno na ka nafnakno biꞌo nei nanheta.

Thoutonu Eigna Mae Job 40:9

Ba, iagho nheta jateula iara eghu? Iagho tangomana te cheke fabiꞌo jateula iara te naoglagu na te jateula fila teu igne?

Nodi Khoje Hatimare Mae Jiu 106:8

Nu Lord neke fakakhana ka mare nogna nanheta na neke fakarhidi, leghuni nogna nhaꞌa cheke na.

Nodi Khoje Hatimare Mae Jiu 89:13

Lord God, iagho ngala te au nolaghi te mala vuavuhadi gobigna lepore! Uve, nou nolaghi iagho na thono biꞌo fara.

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Eksodas 14:31

Kate filoni hatimare mae Israel gre nogna nolaghi biꞌo Lord te tapla faparidi mae Ijep gre, mae Israel gre ne pogho soru ka mana, nei ghatho tahuni Lord nei nogna mae gloku Moses.

Eksodas 15:16

Lord, kate filoni naiknore nou nolaghi biꞌo iagho na, naiknore ginau na mhaghu nodi fara na theome eni kaisei unha nga. Mare ginau na kegrau jare jateula kaisei gaju eghu mala ghilei tei salaꞌui ghehati naikno teke atha fajifla ghami iagho ka sosolo ia.

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Diutronomi 28:10

Eghume naikno te gnafa ka nauthoglu igne ginauna filo glani ghami ghotilo te nogna naikno Lord na, eghuteuna mare ginauna mhaghu ghami ghotilo.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Ululahu Samuel 17:46

Gognarogne, Lord ginauna snakre mei nigho iagho ka khamegu iara. Iara ginauna falehe nigho iagho, eghuteuna iara ginauna kusu phaꞌumu iagho na. Eghuteuna iara ginauna snakre lao thinimi ghotilo mae Filistia are ka nanghaji nei ka glepo te tautagu are eghu mala ghamu reꞌe. Aonu naikno te gnafare ginauna laseni te God na reireghini Israel.