Josua 4:12 - Buka Blahi Ka Cheke Holo

¹² Vikegna mae Ruben, vikegna mae Gad, nei gaga ka mae Manase teu igre mare ne pala glepo mala magra re ne kulu tei ka keha naiknodi Israel, leghuni unha teke chekeni mae Moses tifa na.

Josua 4:12 Iomraidhean Croise

Eksodas 13:18

Aonu God ne batudi mare ne lithui fei namono nagou na ne mei posa ka Thongna Ukru na baludi nodi glepo te mala magra re.

Naba 32:17

Eghuteuna ke leghu na, ghehati ginauna atha nomi glepo mala magra re mala kulu tei ke ulumi ghotilo ka magra ghilei au ghotilo ka nodi namono na. Ghehati ginauna tei balumi ghotilo ghilei thokeni te au fakeli ghotilo ka vido tuana.

Diutronomi 3:18

“Eghuteuna ka narane tuana, iara neke cheke faheta eghu ka vikedi mae Ruben, mae Gad nei mae Manase, ‘Lord, nomi God ghotilo, mana neke tusu arihi glose igne ka ghotilo mala khotogna. Nu kate kasa ghotilo ka Khoꞌu biꞌo Jordan igne, nomi soldia ghotilo re ginauna hata tei baludi nodi glepo mala magra re mala tei magra ke uludi vikemi themi ghotilo naiknodi Israel.

Diutronomi 33:21

Ghotilo vavahi vido glose te keli te magnahagheni themi na. Ghotilo hata vido glose te nabadi mae biꞌo. Eghuteuna kate mei loku fodu nodi lida naiknodi Israel re, ghotilo leghudi nogna famane vetula nei nogna cheke teu Lord re.

Josua 1:14

Khetomi, thumi, nomi buluka, nomi sipu nei nomi dongki teu ghotilo are ginauna mala au agne, ka namono mala nomi ghotilo teku mae Moses ka keha phile khoꞌu Jordan igne. Nu mae te gnafa ka ghotilo te lase magra ra mala hata nodi glepo mala magra ra mala kulu tei kasa ka keha phile gno mala togho ghami ghehati ka magra.

Josua 4:11

Ke leghugna te kasa te gnafa naiknore ka keha phile khoꞌu biꞌo na, mae pris te pala nogna Bokis Blahi Nhaꞌa Cheke Lord igne ne kasa ka keha phile khoꞌu na kate filo teu naiknore.

Josua 4:13

Jame phiatutu thogha soldia tarabana mala magra ne salaꞌu ke ulugna Lord ne tei ne kegra ka sare rhegna Jeriko.