Josua 3:3 - Buka Blahi Ka Cheke Holo

³ “Kate filodi ghotilo hatimare mae pris, vikegna mae Livae, te tei pala nogna Bokis Nhaꞌa Cheke Lord noda God igre, ghotilo leghudi mare.

Josua 3:3 Iomraidhean Croise

Fapea Samuel 6:13

Kate pala te funu nolo mae te palare, mae Devet ne chekedi mare mala ofou katha vido. Aonu mana ne aknu falehe kaisei buluka nalhaꞌugna, nei kaisei sua buluka te blokha ne fafara ka Lord.

Fapea Samuel 6:3

Mare tei ne hata fajifla Bokis Blahi igne ka suga gna mae Abinadab ka thogele holo. Mare ne lilisei Bokis Blahi igne ka kaisei chariot majaghani. Mae Usa ghe mae Ahio phei thugna mae Abinadab igre te reireghini te tei chariot igne.

Ululahu Kings 8:3

Kate mei te gnafa mare na, mae pris re ne pala Bokis Blahi na,

Profet Jeremaea 33:18

Eghuteuna jaola te chekeni iara na, leuleghu fata na mae pris te jifla mei ka vikegna mae Livae igre, mare ginauna mala fafara ka iara gano te gahu ka khaꞌaghi, eghuteuna mare na atha mei flaoa ka famane wit, ba keha nafnata fafara.”

Naba 10:33

Kate jifla kokoni mare Thogele Sanai na, mare ne nolo nabagna thilo narane. Nu mare ne kulu pala ne tei nogna Bokis Blahi Nhaꞌa Cheke Lord na, mala tangomana Lord te falalase namono te mala au mare tagna na.

Naba 4:15

“Kate tarabana ghotilo mala tei ka keha vido re, mae ka vikegna mae Kohat kolho mala pala gobi lepo tuare. Nu ulu lahu na, mae Eron baludi phei thugna re eghu kolho te mala kaikalitidi gobi lepo tuare, naugna vikegna mae Kohat gre theome tangomana te habo ka glepo blahi tuare. Ne habo nga mare nu, mare ginauna lehe.

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Matiu 8:19

Kaisei mae velepuhigna vetula nogna mae Moses ne mei ne cheke eghu ka mana, “Mae velepuhi, iara magnahaghei te mala kaisei nou mae fanomho iagho, mala tei balumu iagho ka namono aheva nate tei iagho na.”

Diutronomi 31:25

Kate rioriso te gnafa na, mana ne kilo meidi hatimare mae pris ka vikegna mae Livae mae iheire te pala nogna Bokis Nhaꞌa Cheke Lord. Aonu mana ne cheke eghu ka mare,

Diutronomi 31:9

Aonu mae Moses ne rioriso nogna Buka vetula Lord na ne tusu lao ka hatimare mae pris nei mae iheire te baubatu ka naiknodi Israel. Mae pris igre ka vikegna mae Livae, eghuteuna mare tangomana te pala nogna Bokis Blahi Nhaꞌa cheke Lord.

Josua 3:4

Tahati neke theome mei thoke ka vido igne tifa na, eghume mae pris gre ginauna falalase nabrou na mala leghuni tahati. Nu ghotilo thosei tei namo ka Bokis Blahi igne. Ghotilo au fakhaba nabagna kaisei kilo mita.”

Josua 3:6

Ka fapea narane na, mae Josua ne cheke eghu ka hatimare mae pris, “Ghotilo pala Bokis Blahi igne mala tei ului. Eghuteuna naikno te gnafare ginauna ari ke leghumi ghotilo.” Eghuteuna mae pris re ne leghuni unha te chekeni mana na.

Josua 3:8

Kate thoke ka khoꞌu biꞌo na, iagho chekedi mae pris ra mala soru kegra ke lamna khoꞌu.”

Josua 4:10

Mae pris igre kegra fabrahu farihotei khoꞌu biꞌo ne ghilei gnafa unha teke chekeni Lord ka mae Josua, jateula unha teke chekeni Moses ka Josua tifa. Naiknore ghosei ne kasa ka keha phile khoꞌu na.

Josua 6:6

Aonu mae Josua thugna mae Nun igne ne kilodi hatimare mae pris igre ne cheke eghu ka mare, “Ghotilo fitu mae pris te hata khufli teke horo ka hona sipu ra, ginauna tei ke uludi mae pris te pala nogna Bokis Blahi Nhaꞌa Cheke Lord igre.”

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.