Josua 3:16 - Buka Blahi Ka Cheke Holo

¹⁶ khoꞌu na ne kegra snoto ne tei au delei fara rhegna namono Adam te namo ka namono Saretan. Eghuteuna keha philegna khoꞌu biꞌo te soru Thongna Lehe igne ne jaola ne thono krango fara. Naiknore ne kafe kasa ka keha phile na rhegna namono Jeriko.

Josua 3:16 Iomraidhean Croise

Ululahu Kings 4:12

Mae Bana thugna mae Ahilud, mana mala reireghidi phei namono biꞌo Tanak ghe Megido, nei vido te gnafa ka namono biꞌo Bet-San. Vido igne namo ka namono biꞌo Saretan ke mata namono biꞌo Jesrel. Fofota gna nohi igne tei posa ka namono biꞌo Abel Mahola eghuteuna ka namono biꞌo Jokmeam.

Ululahu Kings 7:46

King neke cheke ka mana mala edi glepo igre ka sare rhegna Khoꞌu biꞌo Jordan, farihoteidi phei namono biꞌo Sukot ghe Saretan. Jare teke tofa bras teke fablalho mare igre teke edi glepo igre.

Nodi Khoje Hatimare Mae Jiu 114:3

Kate mei God na, Thongna Ukru na neke fnota pea. Uve, khoꞌu Jordan neke jaola neke theome loloro keligna.

Nodi Khoje Hatimare Mae Jiu 114:5

Thongna Ukru, naugna unha si teke fnota pea iagho ia? Khoꞌu biꞌo Jordan, naugna unha si teke theome loloro fakeli iagho ia?

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Nodi Khoje Hatimare Mae Jiu 33:7

Mana neke lilisei fodu thongnare ka kaisei vido kolho, mana neke lilisei fakeli khotogna nhorora na ka mala au gna na.

Nodi Khoje Hatimare Mae Jiu 66:6

Tifa na mana neke fofota pea thongna biꞌo na neke khapra neke nonolo ka ghahe kolho neke kasa ka keha philegna khoꞌu na mae ku'eda tahatira. Ka narane tuare mae ku'eda tahatire neke thofno glealeꞌa fara ka unha teke edi mana igre. Eghume tahati glealeꞌa nei cheke fakelini eghu God.

Nodi Khoje Hatimare Mae Jiu 74:15

Glokha nei khoꞌu biꞌo eghu teke kafe khaprahi re iagho neke fafuafura haghedi, eghuteuna khoꞌu biꞌo teke theome khapra funu tifare, iagho neke fakhapradi.

Nodi Khoje Hatimare Mae Jiu 77:19

Iagho neke nonolo ke kligna galo, eghuteuna iagho neke kasa farihotei nhorora, nu theo kolho kaisei naikno teke filo nigho na eghu.

Nodi Khoje Hatimare Mae Jiu 78:13

God neke alha pea thongna na ka phei vido neke fakegra haghe jateula phei gringni thina biꞌo neku, eghuteuna hata fakasadi nogna naiknore ka keha phile na.

Eksodas 14:21

Aonu mae Moses ne tusu lao khamegna na ke kligna thongna, eghuteuna Lord ne fameini kaisei nuri biꞌo ke maghati ne nuri fabrahu bongi thongana na ne ghilei fnota pea thongna na ne khapra vido teke mamhara na.

Eksodas 14:22

Eghuteuna mae Israel gre ne kasa kate khapra na, aonu khoꞌu na ne kegra jateula bara neu ka phei philere!

Eksodas 14:29

Nu hatimare mae Israel gre ne tei ka vido te khapra, eghuteuna thongna na ne kegra jateula bara neu ka phei phile re ne kasa mare ka keha phile na.

Eksodas 15:8

Iagho diꞌatamu fara ne phanga lao ka thongna na, eghuteuna thongna na ne kogu kogu ne haghe posa kligna jateula bara neu. Eghuteuna khotogna nhorora na ne thuke.

Profet Isaia 50:2

Kate mei iara na, iara theome filoni kaisei naikno jare. Kate eha iara na, theo kaisei naikno te cheke tughu na. Ba, na theome fakarhi ghami iara neu si ghotilo ia? Ba, ne theo kaisei nogu nolaghi iara te mala fakarhi ghami na neu si ghotilo ia? Filo si ghotilo, kate cheke kolho iara na nhorora biꞌo na ginau moja, khoꞌure ginauna jaola figri ke kaisei namono nagou, eghuteuna sasare ginauna kafe lehe.

Profet Esikiel 47:8

Mana ne cheke eghu ka iara, “Khoꞌu igne loloro tei ka kantri ke maghati, eghuteuna soru ka sare Khoꞌu biꞌo Jordan, eghuteuna soru ka Thongna Lehe. Eghuteuna kate soru ka Thongna Lehe igne na, Thongna Lehe igne ginauna nake vuhai famane khoꞌu keli fara.

Profet Nahum 1:4

Kate cheke mana ka thongna na, thongna na ginauna moja. Mana jaola tangomana te cheke ranghidi khoꞌure mala moja. Nohi Besan, nei Thogele Kamel teu igre ginauna kafe moja, eghuteuna sisi te au ka Thogele Lebanon na igre ginauna kafe lehe.

Profet Habaku 3:8

Lord, kate lhotidi iagho khoꞌu eghuteuna fofota thongna na teu igne, ba, iagho neke diꞌatamu ka ghehati sia? Theo! Kate mei toghodi iagho nou naiknore te mala uludi mae naokare, iagho neke mei jateula kaisei nou soldia nei hose nei chariot eghu.

Naba 34:3

“ ‘Vido ke holo na funu ka namono nagou Sini te tei thoke ka fofotagna nodi vido mae Idom. Fofotagna vido ke holo igne, funu ka khukrugna ke maghati te posa ka Thongna Lehe na,

Diutronomi 1:1

Buka igne au cheke teke cheke mae Moses ka naiknodi Israel ka teke au teu mare ka namono nagou Moab, ka glogu Khoꞌu biꞌo Jordan, rhegna namono Suf nei fari hoteidi namono Paran, Tofel, Laban, Haserot, nei Disahab. Tifa na mare neke posa ka nohi Moab, mae Moses neke uluni King Sihon kokhologna mae Amoa jare Hesbon, eghuteuna neke uluni King Og maegna Besan nei phei nogna namono mana Astarot ghe Edrei. Ihei te jifla ka Thogele Horeb, keha nanghagna na Thogele Sanai, tei posa Kades Banea, mana tangomana te nolo nabagna nabotho kaisei narane. Neuba, mae Moses ne chekeni cheke igne ke leghudi phiatutu finogha teke jifla mare Ijep igre. Ka narane ulu lahugna fabotho kaisei nhigragna finogha tuana, eghuteuna mare aunga neku ka nohi Moab ke maghati ka keha Khoꞌu biꞌo Jordan, mae Moses neke cheke eigna vetula nogna nhaꞌa cheke Lord.

Diutronomi 3:17

Eghuteuna ke maghatigna glogu Khoꞌu biꞌo Jordan igne iara neke jaola neke tusu lao ka mare. Eghuteuna fofotagna nodi glose mare ke mosu na ka Khoꞌu biꞌo Jordan, iara neke tusu lao glose funu ke raru Kholo Galili ke posa fei Thongna Lehe ke mata, eghuteuna tei posa ke maghati pesi thogele Pisga.

Josua 12:3

Eghuteuna ke maghati sare Jordan igne fofotagna na funu ke raru Kholo Galili tei posa ka namono Bet Jesimot, rhegna Thongna Ukru ke mata, eghuteuna liu ke mata tei posa ka phesigna thogele Pisga.

Josua 15:2

Nohi ke mata igne, funu ka khukrugna ke mata Thongna Lehe,

Josua 3:13

Mae pris igre mare na pala nogna Bokis Blahi Lord mae funeigna nauthoglu igne. Kate soru te kegra mare lamna khoꞌu na, khoꞌu biꞌo te britha igne ginauna na krango, eghuteuna khoꞌu na ginauna na tei au ka kaisei vido kolho te kegra delei jare jateula kaisei gringni biꞌo eghu.”

Josua 4:22

Cheke eghu ranghidi, ‘Tuthuanadi kuꞌeda tifa ra neke kasa ka vido te krango fari hotei Khoꞌu biꞌo Jordan.’

Josua 5:1

King te gnafadi Amo te au ke mosu Khoꞌu biꞌo Jordan igre, nei king te gnafadi Kenan te au rhegna Thongna Mediterenian igre eghu mare ne nomhini thoutonu eigna Lord te fakrangoni Khoꞌu biꞌo Jordan te kasa naiknodi Israel igne. Aonu mare ne thofno mhaghudi fara maedi Israel igre ne thofno glaꞌe soru gaoghathodire.