Josua 3:1 - Buka Blahi Ka Cheke Holo

¹ Hamerane boibongi ka keha narane na, mae Josua baludi naikno te gnafadi Israel igre kegra haghe ne jifla Akesia, aonu mare ne tei au rhegna Khoꞌu biꞌo Jordan. Mare ofo neu ka vido igne mala tei kasa ka keha phile khoꞌu na.

Josua 3:1 Iomraidhean Croise

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 22:3

Hamerane boibongi mae Ebraham kegra haghe ne tarabana nogna dongki na, aonu mana ne hata mae Isak nei phei mae gloku eghu balugna. Mana ne uge keha gaju te mala gahugna u fafara na, eghuteuna hatimare ne tei ka vido aheva teke chekeni God ka mae Ebraham na.

Nodi Khoje Hatimare Mae Jiu 119:60

Iara theome ofoni ihei nga te mala leghuni chekemu iagho na.

Profet Jeremaea 25:3

Lord cheke fabrahu ka iara ke lamnadi varadaki thilo finogha tela salaꞌu ari ra. Lord neke vahi ghau iara mala kaisei mae profet. Funu ka fabotho thilo finogha te funei fruni King Josaea, thugna mae Emon ka kantri Juda igre, iara toutonuni chekegna Lord na ghilei mei posa gognarogne. Nu leuleghu fata na ghotilo tiromi fanomho ka iara.

Profet Jeremaea 26:5

Eghuteuna ghotilo mala fanomho ka unha te chekedi nogu mae gloku iara hatimare mae profet. Kmana fata iara kuru aridi mare mala toutonu ka ghotilo, nu ghotilo tiromi fanomho ka nodi cheke mare re.

Profet Jeremaea 7:13

Kate edi ghotilo glepo te thono diꞌa fara igre, iara neke fariu riu cheke ka ghotilo. Nu ghotilo neke tiromi fara te fanomho ka iara na. Iara kilo ghami ghotilo leuleghu fata, nu ghotilo tiromi cheke tughu kolho.

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Naba 25:1

Ka vido tuana, naiknodi Israel gre neke au ka vido sare biꞌo Akesia. Eghuteuna keha mae ka naiknodi Israel gre ne vuha ei puhi diꞌa tafri baludi goro gaꞌasedi Moab.

Nonomho Te Keli Teke Risoi Mae Mak 1:35

Hamerane boibongi ka keha narane na, mae Jisas dofra ne jifla ka suga na. Mana tei ka kaisei vido te nagou ne tarai jare.

Josua 2:1

Kate au teu mae Josua baludi keha vikedi Israel ka vido te au gaju akesia igne, mana kurudi phei mae mala tei Kenan mala filo poru ka namono Jeriko nei ka namono te au faligohoni. Eghuteuna kate tei poru phei mae igre ke lamnagna namono igne, phei mae igre tei ne au ka sugagna kaisei gaꞌase vine, nanghagna na, Rehab.

Josua 6:12

Hamerane boibongi ka keha narane na, mae Josua kegra haghe ne batudi mare neke tei faligohoni namono igne. Mare ne eni igne jateula teke eni mare ka narane ululahu ia neu.

Josua 6:15

Hamerane boibongi ka fafitu narane na, mare kegra haghe ne tei faligohoni namono igne jateula teke eni mare ka namno narane ululahu ra neu. Nu ka narane tuana mare ne tei faligohoni namono igne fitu fata.

Josua 7:16

Hamerane boibongi ka keha narane na, mae Josua ne batudi vike te gnafa Israel igre ne kafe mei ka vikedi thedire, eghuteuna mana ne vahini vikegna mae Juda.

Josua 8:10

Hamerane boibongi ka keha narane na, mae Josua ne kilo fodudi nogna mae soldiare. Mana baludi hatimare mae funei ka nogna armi na batudi mare ne haghe Ai.

Jajis 20:19

Hamerane ka keha narane na, armigna Israel ne tei namo Gibea.

Ululahu Samuel 17:20

Aonu hamerane boibongi ka keha narane na, mae Devet ne kuruni kaisei mae mala tei reireghi sipu. Aonu mana leghuni unha te chekeni mae kmagna na igne ne atha gano igre jifla ne tei. Mana ne tei posa ka vido aheva te tarabana mala magra teu te eha fabiꞌo teu mae soldiare.