Josua 24:8 - Buka Blahi Ka Cheke Holo

⁸ nu ke leghu na, iara neke hata mei ghami ghotilo ka glose igne teke nodi vikegna Amo teke au mei ke maghati, ka keha phile Khoꞌu biꞌo Jordan. Kate mei magra mare ka ghotilo na, nu iara togho ghami mala uludi ghotilo mare. Eghuteuna kate namo thokeni ghotilo nodi rijon mare na, nu iara teke falehedi mare na, aonu ghotilo gognarona khotodi nodi glose mare re.

Josua 24:8 Iomraidhean Croise

Nehemaea 9:22

“Iagho neke snakredi kuꞌemi ghehati ra neke magra ka King Sihon ka kantri Hesbon nei King Og gna kantri Basan. Eghuteuna mare tapla faparidi phiamare ne hata nodi vido glose phiamare re. Eghuteuna glose igne neke vido glosegna nodi kantri mare na.

Eksodas 23:23

Nogu engel iara na ginau na baubatu ghami ghotilo tei au ka nodi namono hatimare mae Amo nei hatimare mae Hit nei hatimare mae Peres nei hatimare mae Kenan nei hatimare mae Hivi nei hatimare mae Jebus, iara ginau na thofno paradi fara mare.

Profet Emos 2:10

Iara neke hata fajifla ghami ghotilo Ijep. Eghuteuna batu ghami ke lamna namono nagou nabagna phiatutu finogha. Eghuteuna tufa ka ghotilo nodi vido glose vikegna mae Amo.”

Profet Emos 2:9

“Ghotilo nogu naikno iara ra, iara neke togho ghami ghotilo neke falehedi vikegna mae Amo. Vikegna mae Amo igne brahu nei rheta eghu jateula gaju sida ba gaju ok eghu, nu iara neke kafe falehedi gnafa.

Diutronomi 2:32

“Aonu King Sihon balugna nogna armi na mei neke magra ka tahati rhegna namono Jahas.

Josua 13:10

Eghuteuna mae igre neke atha nogna namono mae Sihon nodi king mae Amor. Tifa na mae Sihon gne neke au Hesbon neke funei frunidi namono te gnafa te au ka vido te tei posa ka fofothagna nodi nohi mae Amon.