Josua 24:6 - Buka Blahi Ka Cheke Holo

⁶ Eghuteuna kate hata fajifla ghami iara baludi kuꞌemi ghotilo ra, maedi Ijep ne hata chariot mala magra, baludi soldia te saghe ka hose, eghuteuna mare neke ngolhi ghami ghotilo. Eghuteuna kate tei te thoke ghotilo ka Thongna Ukru na,

Josua 24:6 Iomraidhean Croise

Nehemaea 9:11

Eghuteuna iagho neke fota pea thongna na neke eni kaisei nabrou mala kasa nou naiknore ka glose te moja. Nu iheire teke ngolho leghudi nou naikno iagho re, mare ne knoho ka thongna te mamhara jateula thina te plulu ka nhorora ra neu.

Nodi Khoje Hatimare Mae Jiu 78:13

God neke alha pea thongna na ka phei vido neke fakegra haghe jateula phei gringni thina biꞌo neku, eghuteuna hata fakasadi nogna naiknore ka keha phile na.

Eksodas 12:37

Hatimare mae Israel gre ne jifla funudi ka namono biꞌo Ramese ne tei thoke ka namono Sukot. Jame naba namno gobi thogha mae nalhaꞌu te nolo ka ghahe na, theome kahadi gaꞌase nei goro sua teure.

Eksodas 12:51

Ka narane igne Lord neke batudi mae Israel gre ka tothoghei leghui vike na ne jifla Ijep.

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.

Mae Khuru 7:36

Aonu mae Moses ne batu fajifladi naiknore Ijep. Mana neke edi kofubobhoi nei fagaglana eghu jare, nei jaola ka Nhorora Ukru na, nei jaola ka namono nagou na phiatutu finogha.

Hibru 11:29

Naiknodi Israel gre neke fatutuani ni God. Naugna igne mare ne kasa ka khoꞌu biꞌo te kiloi “Thongna Ukru” neke nonolo jateula te tei kau glose te khapra neku. Nu kate fariuriu kasa ka khoꞌu tuana, armi gna Ijep mei toku tafrudi ne kafe knoho.