Josua 24:32 - Buka Blahi Ka Cheke Holo

³² Kate jifla Ijep naiknodi Israel tifa igre, mare neke hata nhubragna Josep baludi ne tei giugilui nhubragna mana re Sekem. Mare neke giugiluni mana ka kaisei vido glose teke foli kmagna mana Jekop ka kaisei gobi silva ka vikegna Hamoa mae ihei teke eni namono Sekem. Glose igne kaisei vido ka nodi glose vikegna Josep.

Josua 24:32 Iomraidhean Croise

Jenesis 33:19

Mana neke foli vido glose igne ka vikegna mae Hamo, kmagna mae Sekem. Foli gna vido glose igne neke kaisei gobi silva.

Jenesis 48:22

Tifa na ka namono Sekem iara neke loku naflahi nei jata neku neke magra ka hatimare vikegna mae Amo neke hata namono igne. Iara ginauna na tusu ari namono igne ka iagho kolho. Iara na theome snakre lao namono igne ka mae thabusimu iagho re.”

Jenesis 50:24

Mana ne cheke eghu ka mae thabusigna re, “Iara gne la namo lehehi. Nu God na ginauna reireghi ghami ghotilo, eghuteuna mana ginauna nake hata fajifla ghami ghotilo agne. Eghuteuna mana ginauna nake hata fapulo ghami ghotilo ka namono aheva teke nhaꞌa cheke mana ranghini mae Ebraham nei mae Isak nei mae Jekop.”

Jenesis 50:25

Aonu mae Josep ne cheke eghu ranghidi mae thabusigna re, “Ghotilo nhaꞌa cheke ka iara, ka narane God teke hata fapulo ghami ghotilo Kenan na, ghotilo ginauna na hata nhubragu iara gre tei balumi.”

Eksodas 13:19

Tifa na mae Josep neke kulu cheke eghu, “God ginau na atha fajifla ghami ghotilo agne Ijep. Te eghu na, ghotilo mala atha nhubragu iara re mala tei balumi.” Hatimare mae Israel gre neke eni u nhaꞌa cheke igne. Aonu mae Moses ne atha nhubragna mae Josep re ne tei baludi.

Jone 4:5

Jare Samaria, mana ne mei posa ka namono te kiloi Saeka. Namono igne au rhegna sare teke tusu lao mae Jekop ka mae thugna Josep tifa.

Mae Khuru 7:15

Eghuteuna mae Jekop na soru ne au jare Ijep. Kate lehe mana jare baludi mae thugnare,

Mae Khuru 7:16

naiknore neke kafe hata fapulo thinidi mare re mala ke giugilui Sikem ka gluma teke foli ka sileni mae Ebraham tifa ka thugna mae Hemo re.

Hibru 11:22

Mae Josep neke fatutuani ni God. Naugna igne, kate namo lehe na, mana ne cheke eigna narane naiknodi Israel nate jifla Ijep. Eghuteuna mana cheke ka mare mala atha baludi nhubragnare kau narane nate jifla Ijep.