Biblia Todo Logo
Bìoball air-loidhne

- Sanasan -




Josua 24:14 - Buka Blahi Ka Cheke Holo

14 Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.

Faic an caibideil Dèan lethbhreac




Josua 24:14
34 Iomraidhean Croise  

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.


Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.


“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.


Hatimare mae profet nou mae gloku iagho ra neke cheke eghu, ‘Kantri nate tei au ghotilo tagna igne theome gae ka tathagna God na. Naugna funu ka keha phile glose na te tei posa ka keha phile glose na fodu ka naikno bongihehe te diꞌa fara puhidi igre.


Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.


Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”


Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.


Naikno te thofno doglo fara nakarhadire mare thofno glealeꞌa nodi fara, naugna mare ne leghudi nogna vetula Lord re.


Jame te keli na iara leghuni fara nou vetula iagho na mala theome tangomana iara te mamaja na.


Nu atha kokodi sagho nakhibomi ghehati gre mala tangomana ghehati te ghatho tahu nigho nei tufru soru nigho teuna.


Iara ngala nomi Lord God ghotilo na, nei iara ngala teke atha fajifla ghau ghotilo Ijep na. Jame te rouronu ghau iara ghotilo na, iara ginauna tusu ari glepo te keli ka ghotilo.


Iara neke cheke eghu ka thudi mare re, “Ghotilo thosei leghudi cheke nei kastom nei vetula eghu teke leghudi teke mei kuꞌemi ghotilo tifa ra. Eghuteuna ghotilo thosei fathona ghami themi ka tathagu iara na kate tarai ghotilo ka nomi mumuju are.


Kani majaghanidi na repa neke au Ijep, eghuteuna repa neke gaꞌase vine. Ka namono tuana, mae nalhaꞌure ne mei thuru baludi repa, ne loku ka chuꞌudi repa re.


Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.


Aonu ghotilo mala thosei ke fafarai ka nanigot naitu tuana, naugna puhi igne jateula gaꞌase te tei balugna mae te theome khetogna naꞌa ia eghu. Igne vetula te mala leghuni fabrahu ghotilo na.


Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.


Nu sisi te soru kau glose te keli igre eidi iheire te fanomho ka cheke na, eghuteuna loku famaku ka nagnafadi te klino nei tutuani teure. Eghuteuna mare leghuni chekegna God na ne heta ghedi ne ghilei au sisi te keli.”


Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.


Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.


Eghuteuna iara tarai eigna nogna khokofakasai God mala au balumi ghotilo hui iheire te namhani fabrahu noda Lord Jisas Kraes. Me gnafa. Iara, mae Pol.


Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.


Ka glepo igre, ghotilo mala thofno keli fara fabrahu ka tathagna Lord nomi God.”


“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.


Eghume ghotilo ginauna tangomana te lasedi glepo te doglore. Ka puhi tuana ghotilo ginauna au fakeli nei doglo eghu ka narane teke pulo meigna mae Jisas Kraes.


Josua ne cheke eghu ka naiknore, “Tahati te gnafa na vikegna Israel naugna Lord ngala noda God tahati na. Mana ne cheke eghu, ‘Tifa te mei na kuꞌeda tahati ra au khaba ka keha phile Khoꞌu biꞌo Iufretis, mare theome gnafa te tarai ka keha god delei. Eghuteuna kaisei ka kuꞌeda tahati ra, nanghagna na Tera, neke au phei thugna nalhaꞌu nanghadire, Ebraham ghe Naho.


Josua ne cheke eghu ka mare, “Thofno doglo fara, Lord na noda God tahati maeda Israel. Gognarona ghotilo koko nodi mumuju god mae bongihehe te au ka ghotilo are, eghuteuna ghotilo figri gaoghathomi fateote'o ka Lord noda God.”


Eghuteuna gobigna lepo igre ginauna keliu kolho eghu jame te edi ghotilo glepo re: ghotilo ghatho tahuni noda Lord God, eghuteuna ghotilo edi nogna gloku mana re, eghuteuna ghotilo mala fanomho ka mana, eghuteuna ghotilo mala thosei thodoni nogna cheke mana na, eghuteuna nomi king ghotilo igne mala jaola leghuni fabrahu mana.


Ghotilo mala ghaoghatho heta fabrahu mala faꞌuveni, nei leghuni eghu Lord ka gaoghathomi fateote'o. Eghuteuna leuleghu fata na, ghotilo mala ghatho tahudi u gloku biꞌo teke edihi mana ka ghotilo ra.


Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”


Lean sinn:

Sanasan


Sanasan