Josua 24:10 - Buka Blahi Ka Cheke Holo

¹⁰ Nu iara tirogu fanomho ka mana, aonu iara neke cheke ka mana mala fablahi ghami ghotilo, ka puhi igne iara ne hata jifla ghami ghotilo ka khamegna king Balak.

Josua 24:10 Iomraidhean Croise

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Naba 22:35

Nu engel na neke cheke eghu ka mae Balam, “Tei sagho baludi mare, nu chekedi kolho iagho unha teke cheke iara ka iagho ra eghu.” Aonu mae Balam ne tei baludi nogna mae funei mae Balak re.

Diutronomi 23:5

Nu Lord nomi God ghotilo igne neke tirogna fanomho ka mae Balam. Eghuteuna neuba mae Balam ne tibri ghami ghotilo, God figri thibri igne ka kaisei fablahi, naugna mana namha ghami ghotilo.

Josua 24:11

“ ‘Kate kasa ghotilo ka Khoꞌu biꞌo Jordan te tei Jeriko, naiknodi Jeriko ra neke jifla mei neke magra ka ghotilo, nu iara neke togho ghami ghotilo neke uludi mare. Ke leghugna igne, vikegna mae Aoa, nei vikegna mae Peres, nei vikegna mae Kenan, nei vikegna mae Het, nei vikegna mae Gigas, nei vikegna mae Hivi, nei vikegna mae Jebus teu igre neke mei magra ka ghotilo. Nu iara neke togho ghami ghotilo neke uludi mare gnafa ka magra na.