Josua 23:12 - Buka Blahi Ka Cheke Holo

^12-13 “Ghotilo laseni igne, jame te figri tagruni nei theome leghuni teu ghotilo Lord te loku fodu baludi naikno bongihehe are ba tolaghi ka thudi gaꞌase mare re, ba snakredi mare mala tolaghi ka thumi gaꞌase ghotilo re, Lord ginauna tirogna togho ghami ghotilo. Eghuteuna jame te fofodu ghotilo ka naikno bongihehe are nei tei magra baludi mare teuna, Lord ginauna tirogna ngolhi fajifladi naikno bongihehe te au ka nomi namono ghotilo are. Jame te loku fodu ghotilo ka puhidi mare te thono diꞌa fara are na, mare ginauna na jateula kaisei phighoro eghu mala fakhale ghami ghotilo. Eghuteuna ghotilo ginauna na jateula te snoꞌo ke lamnagna kaisei khora ra eghu. Eghume puhidi mare te diꞌa tuare ginauna para ghami ghotilo jateula te puphuri naikno ka thagrumi ghotilo ra eghu, ba jateula nila te churu ka tathami ghotilo ra eghu. Eghuteuna ginauna na theo kaisei naikno ka ghotilo nate au ka namono teke tusu arihi mana ka ghotilo igne.

Josua 23:12 Iomraidhean Croise

Jenesis 2:24

Eghume mae nalhaꞌu na mala jifla kokodi idogna kmagna re mala au fodu balugna khetogna na. Naugna igne repa mala theome jateula phei naikno eghu, nu repa mala jateula kaisei naikno eghu kolho.

Jenesis 34:3

Ke leghugna te eni puhi te diꞌa na, mae Sekem ne cheke famaemahe ka Daina.

Ululahu Kings 11:2

Nu gaꞌase igre thaudi ka kantri delei, eghuteuna Lord na theome magnahaghedi maedi Israel te tolaghi ka nafnata gaꞌase igre. Tifa na Lord neke cheke eghu, “Ghotilo maemi Israel ra thosei tolaghi ka naikno bongihehe are, naugna mare ginauna figridi nagnafami ghotilo are mala tarai ka nodi god thedi re.” Nu mae Solomon ne theome fanomho ne namhadi fara khetogna re.

Ululahu Kings 11:4

Kate kueku'e mana na, khetogna mana igre batuni gaoghathogna mana na mala tarai ka mumuju god. Gaoghathogna mana na theome ghatho tahuni Lord, nogna God na. Mana ne theome jateula King Devet, mae kmagna teke ghatho tahuni Lord.

Nodi Khoje Hatimare Mae Jiu 125:5

Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.

Nodi Khoje Hatimare Mae Jiu 36:3

Leuleghu fata na mae igne cheke diꞌa nei chaichaghi eghu koba ka keha naiknore. Mana theo kaisei gaoghatho te keli te mala eni puhi te doglo na.

Profet Isaia 1:4

Ghotilo nogu naikno iara igre thono diꞌa fara! Eghuteuna puhimi ghotilore jaola thono diꞌa fara. Ghotilo naikno mala tapla jafra fabrahu ka nakhibo kolho. Eghuteuna ghotilo la tei kokonihi Lord. Uve, ghotilo tiromini nodi God maedi Israel te thono blahi fara igne la figri tagrunihi mana.

Profet Esikiel 18:24

“Nu jame kaisei mae te doglo lilisei puhi te doglo na eghuteuna mana edi koba puhi te diꞌa re jateula te edi koba mae te diꞌa ra eghu, ba mae igne ginauna tangomana nate karha na? Theo! Iara ginauna theome ghathodi glepo te keli teke edi mana tifeiro ra. Uve, naugna mana la tirogna ghauhi iara, eghuteuna mana la snivihi ka nakhibo, mana ginauna mala lehe kolho.

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Matiu 12:45

Eghuteuna naitu na tei ne hata mei keha fitu naitu te thono diꞌa fara ke tulao gna thegnai. Mare tei ne au ke lamnagna naikno na jare. Eghuteuna gognarona nakarhagna naikno tuana thono diꞌa fara ke tulao gnai teke tifa na. Eghume jateula tuana eghu ghotilo naikno te diꞌa gognaro gre naugna ghotilo ne theome magnahaghei ghau iara, mae teke mei funu ka God na.”

Jone 6:66

Ke leghugna te cheke eghu mae Jisas igne, kmana naikno teke leghuni fabrahu mana re, mare ne tei kokoni mana neke tirodi leghuni mana.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Diutronomi 6:15

naugna Lord nomi God, mae ihei te au balumi ghotilo igne ginauna diꞌatagna fara ka ghotilo. Diꞌatagna mana igne ginauna jateula kaisei khaꞌaghi biꞌo eghu goigoni ghami ghotilo hui mala theo kaisei ka ghotilo te karha au teu ka nauthoglu igne.

Diutronomi 7:3

Ghotilo mala thosei snakredi thumi nalhaꞌure mala tolaghi ka thudi gaꞌase mare re, eghuteuna thudi nalhaꞌu mare igre thosei mei tolaghi ka thumi gaꞌase ghotilo re.

Diutronomi 7:4

Jame te eni ghotilo igne na, mare ginauna tangomana te figri gaoghathodi thumi ghotilo re mala theome leghuni Lord nu tei leghudi keha god delei. Jame te eni mare igne na, Lord ginauna diꞌatagna fara ka ghotilo, eghuteuna mana ginauna ghosei goigoni ghami ghotilo.

Josua 23:11

Eghume leuleghu narane na ghotilo mala thofno namhani Lord noda God.

Ululahu Jone 2:9

Neuba ihei ka ghotilo ne cheke eghu, “Iara auhi ka naphae!” nu te tirognani mana mae kheragna fofodu na, mana au ngala kate romno fabrahu ghilei posa gognaro.

Jajis 14:3

Nu repa ne cheke eghu ka mana, “Tahati au kmana gaꞌase ka vikeda tahati igre, nei ka keha naiknodi Israel aheva iagho tangomana te tolaghi na. Naugna unha sagho te magnahaghei tei hata khetomu Filistia ka naikno bongihehe igrea?” Samson ne cheke eghu ka mae kmagna na, “Ghopa tei atha mei gaꞌase ia naugna iara magnahagheini fara naꞌa.”

Jajis 3:6

Eghuteuna naiknodi Israel igre snakredi thudire mala tolaghi ka vike igre. Aonu naiknodi Israel igre ne tarai nodi god chaichaghi mare igre.