Josua 23:1 - Buka Blahi Ka Cheke Holo

¹ Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.

Josua 23:1 Iomraidhean Croise

Jenesis 25:8

Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Ululahu Kings 1:1

King Devet gognarona thono khuekuꞌe fara, eghuteuna neuba nogna mae glokure ne totokuni ka blanket mana theome tangomana te brana kolho.

Ululahu Kronikols 23:25

King Devet ne cheke eghu, “Lord, noda God tahati maeda Israel igne mana neke tusu mei pharikeli ka nogna naiknore, eghuteuna mana ginauna au fabrahu Jerusalem.

Ululahu Kronikols 27:1

King Devet ne fofota nogna armi na ka nabotho phei tothoghei, eghuteuna varadaki fati thogha soldia te au ke lamnagna kaisei tothoghei na. Tothoghei igre au nodi komanda, mae biꞌo nei lida mala loku ranghini king. Leuleghu nhigra na kaisei tothoghei armi kolho te loku na.

Fapea Kronikols 14:1

Eghuteuna kate lehe Abaeja na, mare ne giugiluni mana ka bekudi hatimare mae king ka nogna Namono biꞌo King Devet. Eghuteuna mae Asa thugna mana na neke funei fruni tughuni mana. Ka narane King Asa te funei fruni Juda, kantri Juda au ka pharikeli nabagna nabotho finogha.

Fapea Kronikols 14:5

Eghuteuna mana paꞌe soru nodi vido blahi mala tarai ka mumuju god, nei hata koko olta mala gahu insens ka namono te gnafa Juda. Aonu nogna naikno mana re ne au ka pharikeli.

Fapea Kronikols 20:30

Eghume nogna kantri King Jehosafat igne au ka pharikeli baludi kantri te gnafa te au faligohoni mana.

Nodi Khoje Hatimare Mae Jiu 46:9

God ne cheke faheta ka naiknore mala thosei magra fari thedi ka nauthoglu gne. Mana ne lolhopa nodi phaloho nei nodi jata teure, eghuteuna koko lao nodi greoreo ka khaꞌaghi.

Profet Isaia 63:14

Lord ne tusu lao ka nogna naiknore kaisei vido mala gnafa, jateula mae te batudi nogna bulukare te tei ka vido te au buburu te keli ra neku. Naugna igne naiknore ghatho tahuni fara nanghagna mana na.

Diutronomi 31:2

Mana ne cheke eghu, “Gognarona iara la kuekuꞌe fara, iara la thokeni hi kaisei gobi varadaki finogha. Iara na theome tangomana nate batu ghami ghotilo na. Eghuteuna Lord nomi God ghotilo na neke cheke ka iara, eigna iara ginauna theome tangomana nate tei kasa ka Khoꞌu biꞌo Jordan.

Josua 11:23

Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.

Josua 13:1

Kate kueku'ehi mae Josua na, Lord ne cheke eghu ka mana, “Iagho la kueku'ehi gognarona, nu kmana vido gloseu te theome atha nga teu ghotilo na.

Josua 21:44

Lord ne tusu ranghidi pharikeli heva heva ke lamnadi glose aheva teke nhaꞌa cheke mana ranghidi kuꞌedi mare tifa ra. Eghuteuna ka narane igre, theo kaisei naoka te tangomana te uludi mare na, naugna Lord neke toghodi neke uludihi mare nodi naoka mare igre.

Josua 22:4

Eghuteuna gognarona Lord nomi God ghotilo na ginau tusu ranghidi vikemi ghotilo re pharikeli mala au fakeli ka nomi glose ghotilo re, jateula teke nhaꞌa cheke mana tifa ia. Eghuteuna thofno keli fara ghotilo teke figri ka nomi namonore, ka nomi glose teu te khotodi ghotilo ka keha phile Khoꞌu biꞌo Jordan, aheva Moses teke tusu arihi ka ghotilo tifa ra.

Ululahu Samuel 12:2

Eghuteuna gognarona, mana au balumi ghotilo mala batu ghami ghotilo. Nu ghotilo laseni! Iara la kuekuꞌehi. Khaklagu re la nufahi, eghuteuna phei mae thugu re la mae biꞌohi. Iara batu ghami ghotilo funu mae majaghanigu la ghilei mei posa ka narane gognarogne.