Josua 22:34 - Buka Blahi Ka Cheke Holo

³⁴ Vikedi Ruben ghe Gad igre ne cheke eghu, “Olta igne kaisei tuthuana ka tahati hui eigna Lord na noda God tahati.” Aonu mare ne kiloni olta igne “Tuthuana.”

Josua 22:34 Iomraidhean Croise

Jenesis 31:47

Phiamare kiloni nali thina igne ka cheke thedi. Mae Laban ne kiloni Jegara Sahaduta, eghuteuna mae Jekop ne kiloni Galed. Mae Laban ne cheke eghu, “Gaoghathogna na u nali thina igne mala ke ghatho fapuloni noda nhaꞌa cheke ia.”

Ululahu Kings 18:39

Kate filoni igne, naiknore ne khoko soru pari ka glose na ne eha eghu, “Lord ngala God te tutuani na! Lord ngala God te tutuani na!”

Profet Isaia 19:19

Ka narane tuana, kaisei nogna olta Lord ginauna au ke lamnagna kantri igne, eghuteuna ka nohigna kantri Ijep igne, mare ginauna fakegra haghe kaisei thina biꞌo fagaglana gna te tufru soruni mare Lord.

Profet Isaia 43:10

Igne chekegna Lord. Mana neke cheke eghu, “Ghotilo maemi Israel ra mala toutonu eigu iara! Iara neke vahi ghami ghotilo mala nogu naikno gloku iara, eghuteuna ghotilo ginauna mala lase ghau nei fatutuani ghau eghu iara. Eghuteuna ghotilo ginauna thofno laseni te iara ngala God na. Theo kaisei god aheva nga teke kulu au teke karha nga iara na. Eghuteuna ke leghu na ginauna na jaola theo kaisei god na teke hata sapegu iara na.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Josua 22:27

Olta igne mala falase ghita tahati te gnafa nei phagusu te gnafa teu igre tangomana te tei ka nogna Suga Tapuale te Blahi Lord te mala edi soasopai nafnata fafara igre. Ka puhi teu igre iheire nate karha mei ginau ka vikemi ghotilo re ginauna na theome cheke eghu ka iheire nate karha mei ka thilo vikemi ghehati igre, ‘Ghotilo theome tangomana te tarai ka Lord.’

Josua 24:27

Eghuteuna Josua ne cheke eghu ka naiknore, “Thina biꞌo igne ginauna jateula kaisei falalase eghu ka tahati, naugna thina igne jateula kaisei mae te nomhidi unha teke chekedi Lord ka tahati ra eghu. Igne ginauna jateula falalase te mala chekeni glahula eni ghotilo kaisei glepo te diꞌa ranghini noda God.”