Josua 22:29 - Buka Blahi Ka Cheke Holo

²⁹ “Ghehati theome magnahagheni te cheke faparini Lord. Ghehati thofno magnahagheni fara te leghuni mana. Ghehati theome magnahagheni olta igne te fafara tagna. Eghuteuna ghehati theome magnahaghei te babana olta igne mala ke tughuni olta ke ulugna nogna Suga Tapuale Lord igne naugna mana ngala noda God tahati na!”

Josua 22:29 Iomraidhean Croise

Jenesis 44:17

Nu mae Josep ne cheke eghu ka mae Juda, “Theo fara. Iara theome tangomana te snakreni ka ghotilo te eghu na. Mae teke blau nogu kapu iara igne kolho nate mala nogu mae gloku iara na. Ghotilo keha mae ra snaglau nomi mala ke pulo ka mae kmami ia. Iara theome cheke ka ghotilo.”

Jenesis 44:7

Nu mae thabusigna re ne cheke eghu ka mana, “Mae biꞌo, naugna unha site eni iagho nafnata cheke tuana ka ghehati gnea? Ghehati theome tangomana te eni unha te chekeni iagho igne.

Ululahu Kings 21:3

Nu mae Nebot ne cheke eghu ka mana, “Glose tuana nodi glose vikegu iara, funu ka kuꞌemi tifa ra ghilei mei posa ka narane gognarogne. Theome doglo ka tathagna Lord na jame te snakre ari iara ka iagho na.”

Fapea Kings 18:22

Mae komanda gna Asiria igne tudu ne cheke eghu, ‘Glahu chekeni iagho ka iara te rouronu iagho ka Lord nou God na fou? Nu filo si ghotilo! King Hesekaea la goigonihi nogna vido blahi nei nogna olta teu Lord ra. Eghuteuna mana cheke faheta ka ghotilo naiknomi Jerusalem nei Juda teu ra mala pogho soru ka kaisei olta kolho Jerusalem.’

Fapea Kronikols 32:12

Mana thegna si teke paꞌe sorudi vido blahi nei nogna olta Lord God igne, eghuteuna mana cheke ghami ghotilo mala tarai nei gahu fafara eghu ka kaisei god ngala Jerusalem.

Letas Teke Riso Tei Mae Pol Ka Khiloau Rom 3:6

Nu igne theome tutuani. Naugna jame te theome doglo God na, faꞌunha eghu mana fatedi naikno te gnafa ka nauthoglu gne?

Letas Teke Riso Tei Mae Pol Ka Khiloau Rom 6:2

Theo fara! Tahati jateula mae te lehehira eghu theome eni kaisei nakhibo. Teuna, faꞌunha si tahati te au fabrahu teu ka nafnata puhi igne?

Letas Teke Riso Tei Mae Pol Ka Khiloau Rom 9:14

Unha nate chekeni tahati na? Ba, God na edi glepo te theome doglo ka naiknore sia? Theo!

Diutronomi 12:11

Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.

Josua 22:23

Eghuteuna jame te theome leghuni ghehati nogna cheke mana na, ghehati eni olta te mala tarai igne ka gaoghathomi themi kolho, eghuteuna ghehati gahu buluka ka olta igne, ba gahu gano teke hata mei ka nagare ka mana, ba ghehati aknu falehe buluka te gahu ghehati katha vido mala fafara ka mana, aonu ghehati ghamu katha vido tagna te mala laseni ghehati te kheragna mana teuna, jame te keli na Lord para ghami ghehati.

Josua 22:26

“Naugna igne te ghathoni ghehati te babana olta igne, theome mala gahu buluka ba sipu mala fafara ka Lord, ba mala gahu keha nafnata fafara te mala tusu lao te mala kelitagna Lord.

Josua 22:28

“Gaoghathomi ghehati re igne, jame vikemi ghotilo re cheke eghu, ‘Filoni igne si ghotilo! Kuꞌemi ghehati tifa ra neke eni nogna olta Lord igne. Nu igne kaisei tuthuana kolho mala jaola laseni ghehati nogna naikno Lord ra te olta igne theome mala gahu fafara tagna.’ Uve, ghotilo tangomana te chekeni tuana na.

Josua 22:30

Kate nomhini pris Finehas baludi nabotho lida igre unha te chekeni kheradi mare igre, mare ne kelitadi fara. Eghuteuna mare ne cheke eghu ka mare, “Gognarona ghehati laseni Lord te au baluda tahati. Unha te eni ghotilo igne falaseni ghotilo te theome fariuriu te mala eni kaisei glepo te mala huhughuni mana. Ghehati laseni Lord te au baluda eghuteuna mana ginauna na theome para ghita gnafa.”

Josua 24:16

Eghuteuna naiknore ne kafe cheke eghu, “Lord na nomi God ghehati, eghuteuna ghehati ginauna theome tangomana te tei kokoni mana te mala leghudi keha god are.

Ululahu Samuel 12:23

Eghuteuna te iara na, iara ginauna tarai fabrahu ghami ghotilo. Jame te theome eni iara igne na, iara khibo ranghini Lord. Leuleghu fata na, iara ginauna farirhiu ghami ghotilo ka puhi te keli nei doglo eghu.