Josua 22:25 - Buka Blahi Ka Cheke Holo

²⁵ Lord neke lilisei Khoꞌu biꞌo Jordan jateu te mala fofotagna teu nohi farihoteida tahati, eghuteuna ghotilo theo nomi nolaghi te mala tarai ka Lord na.’ Jame keha narane ke leghure iheire te karha mei ka vikemi ghotilo igre ginauna theome snakredi iheire te karha mei ka vikemi ghehati igre te mala tarai ka Lord.

Josua 22:25 Iomraidhean Croise

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Ululahu Kings 12:16

Nu kate filoni maedi Israel igre te theome fanomho king ka mare na, keha maere ne eha eghu fabiꞌo, “Mae Devet na theome noda tahati! Thugna mae Jesi igne theome noda tahati! Tahati te gnafa naiknoda Israel ra, tahati ke pulo ka namonoda ra! Lisa laodi mare mala reireghidi thedi!” Aonu maedi Israel igre neke kafe pulo ka namonodire.

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Ululahu Kings 15:30

Glepo igne neke thoke mei ka tharaknagna King Jeroboam, naugna Lord God gna Israel igne neke diꞌatagna fara ka King Jeroboam ka nakhibo nei ka puhi te batudi mana naiknodi Israel ka nakhibo.

Nehemaea 2:20

Aonu iara ne cheke eghu ka thilo mare, “God gna Kligna ginauna togho ghami ghehati mala loku fagnafa gloku igne. Ghehati nogna mae gloku mana gre kolho nate fufunu gloku igne mala ke babana fapulo gringni thina gna namono igne. Nu ghotilo theome naiknomi Jerusalem, eghume ghotilo theo nomi nolaghi te mala cheke eigna igne.”

Nodi Khoje Hatimare Mae Jiu 16:5

God, iagho ngala nafugna nakarhagu iara na. Iagho tusu mei ka iara glepo te kmo'edi iara re. Nakarhagu iara nathuꞌu nauriha na au ka khamemu iagho.

Mae Khuru 8:21

Iagho theome tangomana te loku balumi ghehati ka nogna gloku God gne, naugna nagnafamu iagho na theome doglo ke ulugna God.

Josua 22:24

“Nu theo eghu! Ghehati eni igne naugna ghehati mhaghu glahu ke leghu na, vikemi ghotilo igre ginauna cheke eghu ka vikemi ghehati re, ‘Ghotilo theome nabami te tarai lao ka Lord mae ihei te noda God tahati na. Naugna ghotilo theo nomi nolaghi te mala eni jateula tuana teuna!

Josua 22:26

“Naugna igne te ghathoni ghehati te babana olta igne, theome mala gahu buluka ba sipu mala fafara ka Lord, ba mala gahu keha nafnata fafara te mala tusu lao te mala kelitagna Lord.

Josua 22:27

Olta igne mala falase ghita tahati te gnafa nei phagusu te gnafa teu igre tangomana te tei ka nogna Suga Tapuale te Blahi Lord te mala edi soasopai nafnata fafara igre. Ka puhi teu igre iheire nate karha mei ginau ka vikemi ghotilo re ginauna na theome cheke eghu ka iheire nate karha mei ka thilo vikemi ghehati igre, ‘Ghotilo theome tangomana te tarai ka Lord.’

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.