Josua 22:18 - Buka Blahi Ka Cheke Holo

¹⁸ Ba, ghotilo ginauna leghuni mana ba theo? “Jame te tei kokoni mana ghotilo gognarogne, nathuꞌu na mana ginauna para ghita gnafa.

Josua 22:18 Iomraidhean Croise

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Ululahu Kings 9:6

“Nu jame ghotilo mae Israel ra, ba iheire nate karha mei ke leghumi ghotilo ra eghu, te theome leghudi ghotilo nogu vetula nei cheke teu teke chekedi iara ka ghotilo ra te pogho soru ka keha god delei teuna,

Fapea Kings 17:21

Ke leghugna te fotadi Lord Israel ghe Juda gre na, naiknodi Israel gre ne vahini mae Jeroboam, thugna mae Nebat igne te mala nodi king na. Mae Jeroboam lhotidi naiknore ka Lord, eghuteuna batudi ka nakhibo te thono diꞌa fara tulao.

Ululahu Kronikols 21:1

Mae Satan magnahaghei te ei puhi biꞌo mala thokedi naiknodi Israel, aonu mae Satan ne tusu lao gaoghatho ka mae Devet mala kaha naiknodi Israel.

Ululahu Kronikols 21:14

Aonu Lord ne kuru mei kaisei fogra biꞌo te thono diꞌa fara ka naiknore. Eghuteuna fitusalei thogha naiknodi Israel ne lehe ka fogra igne.

Fapea Kronikols 25:27

Ka narane te theome funu leghuni King Amasaea puhigna Lord, keha maedi Jerusalem ne ghaoghaho mala aknu faleheni mana, nu mana rikha ne tei ka namono Lakis. Nu mare kurudi keha mae mala tei ke leghugna mana mala faleheni mana ka namono igne.

Fapea Kronikols 34:33

King Josia ne tei tongana ka namonodi vike te gnafa Israel igre mala hata fadelei mumuju te diꞌa te au ka nodi vido glose naiknodi Israel. Eghuteuna mana chekedi naiknore mala loku ranghini Lord. Eghume ka narane karha teu King Josia igre, naiknore theome figri tagru, nu leghuni Lord nodi God kuꞌedi tifa ra.

Levitikas 10:6

Mae Moses ne cheke eghu ka mae Eron baludi phei thugna mana igre, mae Eleasa ghe mae Itama, “Ghotilo thosei fakakhana te diꞌanagnafa ghotilo ka glehedi phia mae igre, eigna ghotilo mala thosei pore, ba rerheku nomi pohere. Jame te eghu ghotilo na, Lord ginauna diꞌatagna na falehe ghami ghotilo. Nu kherami te gnafa ghotilo Israel igre tangomana te tanhidi phia mae te lehe ka khaꞌaghi teke kuru mei Lord igne.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Naba 32:15

Jame te figri tagruni ghotilo mana gognarona, mana ginauna jifla koko ghita tahati ka namono nagou gne, eghuteuna kmana hoholo ginauna thoke ghami ghotilo fabrahu.”

Diutronomi 7:4

Jame te eni ghotilo igne na, mare ginauna tangomana te figri gaoghathodi thumi ghotilo re mala theome leghuni Lord nu tei leghudi keha god delei. Jame te eni mare igne na, Lord ginauna diꞌatagna fara ka ghotilo, eghuteuna mana ginauna ghosei goigoni ghami ghotilo.

Josua 22:15

Kate posa lao mare ka namono Gilead, mare ne cheke baludi vikegna Ruben, nei vikegna Gad, nei vido gaga ka vikegna Manase te au ke maghatigna namono igne.

Josua 22:16

Mare ne cheke eghu ka nanghagna Lord, “Naugna unha site eni ghotilo glepo ignea? Tahati te gnafa na vikegna Israel kolho, eghuteuna Lord na noda God tahati, nu ghotilo eni kaisei glepo te thono diꞌa fara ka tathagna mana. Olta te eni ghotilo igne, falaseni ghotilo te tapla jafra ranghini mana. Gognarona ghotilo theome leghuni mana!

Josua 22:20

Ghotilo mala ke ghathoni puhigna Akan te diꞌa mae ihei teke karha ka vikegna mae Sera. Lord neke cheke ka tahati mala gnhubra fahui gobigna lepo re ke lamna namono Jeriko, mala fafara ka mana, nu mae igne neke theome leghuni Lord. Naugna igne Lord neke para ghita tahati hui eigna puhi igne. Eghuteuna theome thegna mana kolho teke lehe eigna nakhibo igne, nu kmana naikno jaola neke lehe.”

Josua 7:1

Lord neke cheke faheta fara ka naiknodi Israel igre mala thosei hata kaisei glepo ka namono Jeriko. Nu kaisei mae ka mare nanghagna na mae Ekan, thugna mae Kami, gragna mae Sabdi, vikegna mae Sera thugna mae Juda tifa igne ne theome leghuni chekegna Lord igne ne blau keha glepo. Lord ne thono diꞌatagna fara ka nafnata puhi te eni mana igne.

Josua 7:11

Ghotilo tapla jafrahi ka nakhibo. Ghotilo huhughunihi nhaꞌa cheke teke eni iara balumi ghotilo ia. Ghotilo blauhi keha glepo mala thosei hata ghotilo teku iara ra.

Josua 7:21

Ka teke magra tahati teke hata glepodi Jeriko ra, iara neke filoni kaisei famane pohe gna Babilonia, nei kaisei vido silva eghu, tahugna na jame phei kilo gram, nei kaisei vido gol, tahugna na jame kaisei vido kilo gram. Iara thono magnahaghedi fara glepo igre neke hata malagu thegu. Iara hata glepo igre neke titifuni lamna glose ka nogu suga tapuale na, baludi silva re pari lahu.”

Ululahu Samuel 12:14

Eghuteuna gobigna lepo igre ginauna keliu kolho eghu jame te edi ghotilo glepo re: ghotilo ghatho tahuni noda Lord God, eghuteuna ghotilo edi nogna gloku mana re, eghuteuna ghotilo mala fanomho ka mana, eghuteuna ghotilo mala thosei thodoni nogna cheke mana na, eghuteuna nomi king ghotilo igne mala jaola leghuni fabrahu mana.

Ululahu Samuel 12:20

Aonu mae Samuel ne cheke eghu ka mare, “Ghotilo thosei mhaghu! Tutuaniu teke eni ghotilo glepo te diꞌa igne na. Nu gognarona, ghotilo mala thosei tei kokoni Lord, eghuteuna ghotilo mala leghuni mana ka gaoghathomi fateote'o.