Josua 22:15 - Buka Blahi Ka Cheke Holo

¹⁵ Kate posa lao mare ka namono Gilead, mare ne cheke baludi vikegna Ruben, nei vikegna Gad, nei vido gaga ka vikegna Manase te au ke maghatigna namono igne.

Josua 22:15 Iomraidhean Croise

Ululahu Kronikols 21:3

Nu mae Joab ne cheke eghu ka king, “King, iara magnahagheni Lord te eni haghe nabadi noda soldia tahati gre mala kmana gobi salaꞌudi gognaro gre. Iagho laseni, naiknodi Israel igre au ke parimu iagho, eghuteuna kaisei iagho ngala nodi king na. Eghume, mala unha eghu sagho te magnahaghei eni puhi te diꞌa ranghidi naiknodi Israel grea?”

Fapea Kronikols 10:19

Funu ka narane igne, naiknodi Israel te au ke raru igre theome magnahaghedi king teke karha mei ka tharaknagna King Devet.

Fapea Kronikols 25:27

Ka narane te theome funu leghuni King Amasaea puhigna Lord, keha maedi Jerusalem ne ghaoghaho mala aknu faleheni mana, nu mana rikha ne tei ka namono Lakis. Nu mare kurudi keha mae mala tei ke leghugna mana mala faleheni mana ka namono igne.

Fapea Kronikols 26:18

Eghuteuna mare ne cheke faheta eghu ka mana, “Iusaea, iagho theo nou nolaghi te mei gahu insens agne te mala tarai ka Lord na! Ghehati pris ka tharaknagna Eron teke fablahi ghami mare gre kolho te au nolaghi te mala gahu insens na. Vido igne thono blahi fara! Iagho jifla gognarola naugna iagho ne khibo ranghini Lord! Mana ginauna na theome ke fablahi nigho iagho!”

Fapea Kronikols 28:13

Fati mae igre ne cheke eghu, “Ghotilo thosei hata mei naikno tuare agne! Te eghuna tahati nabada te papara ka tathagna Lord. Ba, ghotilo magnahaghei te edi kmana glepo te diꞌa mala biꞌo salaꞌui tahati papara na sia? Tahati gne nabadahi te papara na, eghuteuna Lord thono diꞌatagna fara ka tahati naiknoda Israel!”

Esra 9:15

Lord God gna Israel! Leuleghu fata na iagho fate ka puhi te doglo. Ghehati nou naikno iagho te karha teu aro ghehati au kolho naugna iagho snakre ghami ghehati te karha teuna. Nu naugna nakhibomi ghehati te biꞌo fara gre, ghehati nabami te papara na, nei theome nabami te kegra haghe ke ulumu iagho na.”

Esra 9:2

Mare hata gaꞌase bongihehe igre mala tolaghi, eghuteuna mare jaola hata thudi gaꞌase mare re mala tolaghi ka thudi nalhaꞌure. Eghume tahati nogna naikno blahi God igre la kaisei loku fodu baludi naikno bongihehe te au faligoho ghita igre la thona ka tathagna noda God. Eghuteuna noda mae lida tahati igre baludi keha mae biꞌo igre ngala te baubatudi naiknore te edi puhi te jafra igre.”

Nodi Khoje Hatimare Mae Jiu 78:8

Ka puhi igne mare ginauna na theome jateula mae kmadi tifara eghu, eigna mare neke huhughuni God, nei tirodini mana neku. Hatimare neke tirodi ghatho tahuni God, nei mare neke jaola neke tirodi fatutuani ni God.

Eksodas 32:8

Mare ghosei la kokohi puhi teke chekedi iara mala leghudi mare tekura. Mare la horohi kaisei mumuju buluka nalhaꞌugna teke horo ka gol, mare la pogho soru nei fafara lau tagna. Eghuteuna mare la cheke eghu, ‘Ghotilo naiknomi Israel! Igne noda god tahati na, mae ihei teke atha fajifla ghita Ijep!’ ”

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Levitikas 26:40

“Nu ginauna tharaknami ghotilo mala cheke thakledi nakhibodi re, nei cheke thakledi nakhibodi kuꞌedire. Eghuteuna mare ginauna mala cheke thakledi kuꞌedi mare teke figri tagru ghau iara ra. Mare ginauna mala cheke thakledi puhidi kuꞌedi ra teke figri tagrudi iara teke ghilei kuru teidi iara ka nodi kantri nodi naoka mare re. Eghuteuna jame iheire te patu gama igre faparadi thedi, mare laseni papara igne thoke mei ka nakhibodi thedi,

Levitikas 5:19

Igne fafara te mala poloru ranghi ni mae ihei te nabagna te mala papara eigna najafra teke eni mana ranghi ghau iara Lord.”

Naba 14:43

Neubane rikha tei ghotilo ka nodi namono vikegna mae Amalek nei vikegna mae Kenan teure, ghotilo ginauna lehe ka magra. Lord na theome au balumi ghotilo sia, naugna ghotilo ne theome leghudi nogna cheke mana re.”

Naba 32:15

Jame te figri tagruni ghotilo mana gognarona, mana ginauna jifla koko ghita tahati ka namono nagou gne, eghuteuna kmana hoholo ginauna thoke ghami ghotilo fabrahu.”

Naba 5:6

“Cheke ka naiknodi Israel are, ne eni fadiꞌa nga mae nalhaꞌu ba gaꞌase gre kaisei glepo ranghini keha naikno na nu, mana eni nakhibo biꞌo fara ke ulugu iara.

Matiu 18:17

Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Ululahu Korin 5:4

Tutuani, iara fateni mae tuana ka nanghagna Jisas noda Lord. Kate salo fodu ghotilo na, gaoghathogu iara na au balumi ghotilo, ka nogna nolaghi Jisas noda Lord.

Diutronomi 30:17

“Nu jame te figri tagru ghotilo te tiromi fanomho, eghuteuna tei tarai ka keha god delei teuna,

Diutronomi 7:4

Jame te eni ghotilo igne na, mare ginauna tangomana te figri gaoghathodi thumi ghotilo re mala theome leghuni Lord nu tei leghudi keha god delei. Jame te eni mare igne na, Lord ginauna diꞌatagna fara ka ghotilo, eghuteuna mana ginauna ghosei goigoni ghami ghotilo.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Josua 22:12

naiknodi Israel ne kafe haghe Saelo mala tei magra ka mae iheire te eni olta igne.

Josua 22:14

Nabotho lida ka vikedi mare te au ke mosu Khoꞌu biꞌo Jordan te tei baludi mare na. Mae igre te phaꞌu mae ka vikedi mare igre.

Josua 22:16

Mare ne cheke eghu ka nanghagna Lord, “Naugna unha site eni ghotilo glepo ignea? Tahati te gnafa na vikegna Israel kolho, eghuteuna Lord na noda God tahati, nu ghotilo eni kaisei glepo te thono diꞌa fara ka tathagna mana. Olta te eni ghotilo igne, falaseni ghotilo te tapla jafra ranghini mana. Gognarona ghotilo theome leghuni mana!

Josua 22:18

Ba, ghotilo ginauna leghuni mana ba theo? “Jame te tei kokoni mana ghotilo gognarogne, nathuꞌu na mana ginauna para ghita gnafa.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”