Josua 22:13 - Buka Blahi Ka Cheke Holo

¹³ Nu mare ne kuruni Pris Finehas mala tei Gilead mala kulu tei filodi mae kheradi te eni olta igne. Eliesa kmagna Finehas igne te pris biꞌo ka narane tuare.

Josua 22:13 Iomraidhean Croise

Ululahu Kronikols 9:20

Ulu lahu na mae Finehas thugna mae Eleasa teke nodi lida mae te mala reireghi igre, eghuteuna Lord neke au balugna mana.

Eksodas 6:25

Eleasa, thugna nalhaꞌu Eron igne neke tolaghi ka thugna gaꞌase Putel, eghuteuna repa igre au kaisei thudi nalhaꞌu, Finihas. Igre nanghadi mae biꞌo ka tharakna ka vikegna Livae.

Proveb 20:18

Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Naba 25:7

Mae pris Finehas, thugna mae pris Eleasa mae thugna Eron igne, ne filodi repa. Aonu mana jifla ka Suga Thapuale te blahi na, ne tei atha kaisei grojo.

Naba 31:6

Mae Moses ne kuru teidi mare mala tei ka magra na. Aonu mae Moses jaola ne vahini mae pris Finehas, thugna mae pris Eleasa na mala tei baludi mare. Mae Finehas gne mala atha tei keha glepo te blahire baludi keha trampet ka magra na.

Naba 32:1

Vikegna mae Ruben, nei vikegna mae Gad teure au nodi kmana buluka, sipu, nanigot, nei dongki neu. Mare ne filoni nohi Gilead te keli fara na nei keha vido te au faligohoni namono Jasea teure ne keli fara la te mala faghamudi buluka, sipu, nei nanigot teure.

Matiu 18:15

Mae Jisas ne cheke eghu, “Jame kaisei mae kheramu iagho ka khiloau eni fadiꞌa ranghi nigho kaisei glepo, iagho tei cheke ka mana eigna unha teke eni fadiꞌa mana ranghi nigho iagho na. Ghopa eni poru glepo igne farihoteimi themi. Te magnahaghei fanomho fakeli mana ka iagho na, iagho toghoni mana mala ke fofodu fapulo ghopa.

Diutronomi 13:14

Puhi igne thono diꞌa fara. Eghume jame te nomhini ghotilo kaisei cheke jateula igne teuna, ghotilo ginauna ghusnani nei hironi eghu gaoghathogna cheke igne, te tutuani ba theo. Jame te tutuani unha teke chekeni mana igne na,

Josua 24:33

Kate lehe Eliesa thugna Eron igne, mare ne giugiluini mana ka namono Gibea ka thogele nogna rijon Efrem, ke lamnagna glose teke tusu lao mare ka thugna mana Finehas.

Jajis 20:12

Mare ne kurudi mae mala hata nonomho mala tei heva heva ka nodi namono te gnafa vikegna Benjamin mala cheke eghu ka mare, “Ghotilo neke eni puhi te thofno diꞌa fara igne!