Josua 21:8 - Buka Blahi Ka Cheke Holo

⁸ Tifa na, Lord neke cheke ka Moses mala chekedi mana mae iheire te mala baubatu ka vikedi Israel mala lalahu khale, mala laseni ihei ka vikegna Livae nate khotodi namono igre. Aonu mare ne leghuni nogna cheke Lord teke cheke ka Moses igne ne snakre lao namono igre baludi glose te au ligoho igre ka vikegna Livae.

Josua 21:8 Iomraidhean Croise

Jenesis 49:5

“Ghopa phei mae thabusigna mana ra, mae Simion ghe mae Livae ra, ghopa neke hata glepo te mala magra re neke falehedi naikno re.

Jenesis 49:7

Puhi te diꞌatami fabrahu ghopa igne ngala te fadiꞌadi nagnafami ghopa re, eghuteuna diꞌatami ghopa igre e rheta fara nei diꞌa fara eghu. Iara ginauna na eni ghami ghopa mala fiti au tafri kolho ghopa baludi naikno di Israel igre.

Proveb 16:33

Mae te lalahu khale te mala laseni unha te mala eni na teuna. Nu cheke tughugna na mei funu ka Lord.

Proveb 18:18

Jame te theome tangomana kot te fadoglini fapholai farihoteidi phei mae biꞌo igre na, kot tangomana te lalahu khale mala laseni ihei te uluni fate na.

Naba 32:2

Aonu mare ne tei filodi mae Moses ghe mae pris Eleasa nei keha mae lida teure ne cheke eghu ka mare,

Naba 33:54

Ghotilo ginauna fofota vido glose na ka vike te gnafare. Eghuteuna ne vido biꞌo nga nu nodi vike te biꞌore, eghuteuna ne vido ikoi nga nu nodi vike te ikodire. Ghotilo ginauna lalahu khale ka phei thina mala fofotagna vido glose na. Ghotilo ginau fofota leghudi vike te gnafare. Eghuteuna naiknore mala tei au ka nodi vido glose thedire.

Naba 35:3

Namono igre ngala mala au mare tagna. Eghuteuna vido te au faligohoni namono igne ginau nodi vido mare mala reireghidi buluka nei keha glepo te tautagu teu mare re.

Josua 21:3

Aonu mae iheire te baubatu ka vikedi Israel igre ne leghuni unha te chekeni Lord igne ne snakre lao namono nei glose teu igre ka vikegna Livae mala tangomana mare te lilisei nodi buluka, nei sipu, nei nanigot teu ka vido te khotogna mare igne.

Josua 21:7

Eghuteuna ka kokhologna Merari, mae ihei keha thugna mae Livae, mae igre khotodi nabotho phei namono, kehare au ka nogna vido vikegna Ruben, eghuteuna kehare ka nogna vido vikegna Gad, eghuteuna kehare au ka nogna vido vikegna Sebulun.

Josua 21:9

Ulu lahu na, mare vahini kokhologna Eron mae ihei teke funu ka kokhologna Kohat, aonu mare te khotodi nheva namono te au ka nodi distrik Juda ghe Simion. Namono ulu lahu na Kiriat-Aba baludi glose te au falithu igre mala lilisei buluka, sipu nei nanigot. Namono igre au ke kligna thogele ka distrik Juda, eghuteuna gaoghathogna nangha igne “Nogna Namono Aba,” leghuni nanghagna kmagna Anak tifa, nu ke leghu na mare ke kiloni Hebron. Nu Kelab te khotodi vido te mala loku nagare baludi namono ikodi te au faligohoni namono igne. Gognaro na, namono Hebron gne kaisei namono mala poru ihei te faleheni keha mae na, nu mana theome diꞌatagna nei theome au gaoghatho mala goigonini keha mae na. Nu mae igne neke lehe neku. Eghuteuna mare ne snakre lao keha namono baludi glose te au faligohodi mare mala lilisei buluka, nei sipu nei nanigot. Nanghadi namono igre: Libna, nei Jatia, nei Estemoa, nei Holo, nei Debia, nei Aen, nei Juta, nei Bet-Semes. Igre nheva namono te khotodi mare ke lamnagna nodi vido vikegna Juda nei vikegna la Simion. Eghuteuna ka nogna vido Benjamin, mare snakre lao fati namono ka mare, baludi glose te au faligoho te mala lilisei nodi buluka, nei sipu nei nanigot eghu mare. Nanghadi namono igre: Gibeon, nei Geba, nei Anatot nei Almon.