Josua 21:5 - Buka Blahi Ka Cheke Holo

⁵ Eghuteuna keha ka kokholo gna Kohat igre khotodi nabotho namono, kehare au ka nogna vido vikegna Efrem, eghuteuna keha ka nogna vido vikegna Dan, eghuteuna keha au ka nogna vido gaga vikegna Manase te au ke mosu Khoꞌu biꞌo Jordan.

Josua 21:5 Iomraidhean Croise

Jenesis 46:11

Keha na mae Livae baludi thugnare, nanghadire mae Geson nei mae Kohat nei mae Merari.

Ululahu Kronikols 6:51

Mae Abisua gne neke kmagna mae Buki. Mae Buki gne neke kmagna mae Usi, eghuteuna mae Usi gne neke kmagna mae Serahaea.

Ululahu Kronikols 6:61

Mare jaola ne lalahu khale ne tufa nabotho namono ka keha vikegna mae Kohat. Namono igre au ka nodi vido glose vikegna mae Manase ke mosu Khoꞌu biꞌo Jordan.

Naba 3:27

Eghuteuna tothoghei tharakna ka vikegna mae Amram, nei vikegna mae Isaha, nei vikegna mae Hebron, nei vikegna mae Usiel teu igre neke jifla mei ka vikegna mae Kohat.

Josua 21:4

Kokholo gna Kohat kaisei thugna mae Livae, mare neke kulu snakre lao namono igre ka mare. Tharakna ka kokholo gna Eron mae ihei teke pris biꞌo tifa igne, mana teke khotodi nabotho thilo namono eghuteuna keha ka namono igre neke snakre lao ka vikegna Juda, keha ka vikegna Simion, keha ka vikegna Benjamin.

Josua 21:6

Kokhologna Geson, mae ihei keha thugna mae Livae, mae igre te khotodi nabotho thilo namono eigna kehare au ka nogna vido vikegna Isaka, eghuteuna kehare au ka nogna vido vikegna Asa, eghuteuna kehare au ka nogna vido vikegna Naftali, eghuteuna kehare au ka nogna vido gaga vikegna Manase jare Basan te au ke maghati Khoꞌu biꞌo Jordan.