Biblia Todo Logo
Bìoball air-loidhne

- Sanasan -




Josua 21:44 - Buka Blahi Ka Cheke Holo

44 Lord ne tusu ranghidi pharikeli heva heva ke lamnadi glose aheva teke nhaꞌa cheke mana ranghidi kuꞌedi mare tifa ra. Eghuteuna ka narane igre, theo kaisei naoka te tangomana te uludi mare na, naugna Lord neke toghodi neke uludihi mare nodi naoka mare igre.

Faic an caibideil Dèan lethbhreac




Josua 21:44
19 Iomraidhean Croise  

Soldia di Israel mhaghu ne rikha. Eghuteuna God ne faglaꞌedi mare mala theome tangomana mare te uluni armigna Juda.


“Iara ginau na tusu ari ka ghotilo vido te funu ka grathagna ke mata ka Thonga Ukru igne tei posa ka Thonga biꞌo ke mosu Mediterenian. Eghuteuna funu ka Khoꞌu biꞌo Iufretis ke raru na tei posa ka namono nagou ke maghati. Eghuteuna iara ginau na tusu ari nolaghi ka ghotilo mala funei frunidi ghotilo naikno te au ka vido glose igne, eghuteuna kate tei ghotilo te ruma ka kantri igne na, ghotilo ginau na brue fajifladi naikno teke kulu au teku jare ra.


Lord ne cheke eghu, “Moses, thosei nanga nou! Iara ginauna tei balumu iagho! Gobigna lepore ginauna keli ranghi nigho iagho.”


Lord ne tusu lao ka nogna naiknore kaisei vido mala gnafa, jateula mae te batudi nogna bulukare te tei ka vido te au buburu te keli ra neku. Naugna igne naiknore ghatho tahuni fara nanghagna mana na.


Ka narane tuana, Lord neke togho ghita tahati neke hata nodi namono mare te funu Aroa ka geri Khoꞌu Anon, nei namono ka sare rhegna khoꞌu igne, tei posa ke raru namono Gilead. Theo kaisei namono te bara thina te haghe fara ba maku fara te mala theome tangomana tahati te uluni na.


Aonu mae Moses ne cheke eghu, “Kate togho ghami Lord nomi God te uluni ghotilo magra na ka nomi naokare, ghotilo ginauna tangomana te hata naikno te uludi ghotilo re.


Eghume tahati tangomana te mala gnafa jateula God teke gnafa ke leghugna teke vuavuhadi gobigna lepo ka nauthoglu gne eghu.


“Ghotilo ghatho fakelidi cheke teke edi mae Moses nogna mae gloku Lord ka ghotilo ra. Mana neke cheke eghu ka ghotilo, ‘Lord noda God ginauna tusu mei ka ghotilo namono ke maghati Khoꞌu biꞌo Jordan. Eghuteuna namono au teu tahati tagna igne ginauna mala nomi ghotilo mala au kmu tagna.’


Ghehati na magra heta mala ghilei uludi namono te gnafa ka keha phile ke mosu Khoꞌu biꞌo Jordan. Lord noda God neke nhaꞌa chekehi te mala tusu mei ka ghehati na. Eghuteuna kate hata kasa ghehati namono teke tusu mei Lord ka ghehati igne na, ghotilo ginauna nake pulo mei ka namono te au ke maghati Khoꞌu biꞌo Jordan.”


Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.


Mae Josua uludi ne gnafa namono igre eghuteuna mana jaola ne atha mae king teke funei frunidi namono igre. Eghuteuna mana ne falelehe ne hui mae king igre leghuni unha teke chekeni mae Moses nogna mae gloku God.


Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.


Eghuteuna Lord ne toghodi mae Israel ne uluni mare magra igne. Aonu mare ne ngolhi leghudi mae naoka igre ne ghilei tei posa ka glogu Mispa ke mosudi phei namono biꞌo Saedon ghe Misrefot Maim. Nogna soldia mae Josua igre magra heta ne ghilei lehe fahui hatimare mae naokare.


Phia mare ne cheke eghu ka mae Josua, “Tahati thofno laseni Lord na snakre meihi ka tahati namono biꞌo igne. Naikno te gnafa ka namono igre thono mhaghu nodi fara ka tahati.”


Eghuteuna gognarona Lord nomi God ghotilo na ginau tusu ranghidi vikemi ghotilo re pharikeli mala au fakeli ka nomi glose ghotilo re, jateula teke nhaꞌa cheke mana tifa ia. Eghuteuna thofno keli fara ghotilo teke figri ka nomi namonore, ka nomi glose teu te khotodi ghotilo ka keha phile Khoꞌu biꞌo Jordan, aheva Moses teke tusu arihi ka ghotilo tifa ra.


Soldia ka vikegna Ruben, nei ka vikegna Gad, nei ka vikegna Manase teu igre neke pulo ka nodi namonore. Mare jifla kokodi kheradire mala au faleghu ka namono Saelo jare Kenan, mala ke figri ka namono biꞌo Gilead aheva te thofno khotogna mare na, leghuni unha teke chekeni Lord ka Moses tifa.


Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.


Lean sinn:

Sanasan


Sanasan