Josua 20:4 - Buka Blahi Ka Cheke Holo

⁴ Jame kaisei mae eni igne, mana ginauna tangomana te tei poru ka kaisei namono ka igre, nu mana mala kulu tei filodi mae lida ka grengatha gna gringni thinagna namono igne mala chekeni eigna unha teke eni igne, mala tangomana mare te fateni mana na. Ke leghu, mare ginauna tangomana teke snakreni mana te mala au ka namono igne baludi mare, eghuteuna mare na tusu lao kaisei vido mala au mana tagna.

Josua 20:4 Iomraidhean Croise

Thoutonu Eigna Mae Job 29:7

“Ka narane tuana, iara gnokro ka faidu ka namono na, eghuteuna iara jaola tei faidu baludi goro mae biꞌo.

Thoutonu Eigna Mae Job 5:4

Thugna mana re theome au fakeli. Eghuteuna theo kaisei naikno te toghodi ka fate na.

Nodi Khoje Hatimare Mae Jiu 26:9

Thosei khi fajifla ghau ka iagho baludi naikno te gnognoro gre nei naikno te aknu poru gre eghu.

Proveb 31:23

Khetogna na, naiknore ghatho tahuni mana, eghuteuna mana mae biꞌo ka nodi namono na.

Profet Jeremaea 38:7

Nu mae Ebed-Melek kaisei maegna ka kantri Kus, mana kaisei nogna mae nafnakno mae king. Mae igne nomhini te liliseini mare mae Jeremaea lamna khora kho'u igne ne tei filoni king. Ka narane igne, king fanomho fate ka grengatha gna namono te kiloi mare, Nogna Grengatha Mae Benjamin.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Josua 20:3

Jame kaisei mae theome ghathoni te mala faleheni keha mae na teuna, nu lehe mae igne teuna, mae igne tangomana te rikha te tei poru ka kaisei namono ka igre na. Eghuteuna jame kaisei kheragna fofodu mae te lehe igne mei mala faleheni mae igne ke tughuni nakarhagna kheragna fofodu na teuna, mana ginauna theome tangomana te faleheni mana na.