Josua 2:9 - Buka Blahi Ka Cheke Holo

⁹ ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.

Josua 2:9 Iomraidhean Croise

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Fapea Samuel 17:10

Neubane nheta fara jateula lion neu nou mae soldia iagho igre, mare ginauna mhaghu nodi fara ka nafnata cheke igre. Naugna naikno te gnafa Israel igre lasenihi mae kmamu iagho na kaisei mae soldia keli, eghuteuna nogna soldia manare theome mhaghu.

Fapea Kings 5:15

Mae Naman baludi nogna mae gloku re neke figri ka mae nogna profet God. Mae Naman tei ne kegra ke ulugna mana ne cheke eghu, “Tutuani fara, gognarona iara laseni, nomi God ghotilo maemi Israel kolho te tutuani na. Eghume, iara magnahaghei nigho iagho te hata namha ikoi igne.”

Fapea Kings 7:6

Naugna Lord neke snakredi maedi Siria gre neke nomhini kaisei naogla te jateula naogla gna armi biꞌo balu hose nei chariot teu igne. Aonu mare ne cheke eghu fari thedi, “King gna Israel gne, mana jame neke folidi mae Hit nei king gna Ijep mala mei magri ghita tahati!”

Nehemaea 6:16

Kate nomhini mae naoka gre tela gnafahi gringni thina igne na, gaoghathodi mae naoka gre ne glaꞌe soru, naugna mare te gnafa baludi kantri te au faligoho ghami ghehati igre filo glani God te togho ghami ghehati te ghilei gnafa gloku igne.

Nogna Buka Esta 8:17

Nogna cheke mae King igne ne tei tongana ka naikno Jiu te au ka namono biꞌo te gnafa ka provins te gnafa igre. Naiknore kelitadi fara ne eni kaisei gaghamu biꞌo. Eghuteuna kate filoni igne, kmana naikno ka keha vike igre ne mhaghu nodi fara ne salofodu mei baludi mare.

Thoutonu Eigna Mae Job 19:25

Iara laseni God mae ihei te kaisei phile balugu iara na mana karha ngau, eghuteuna mana ginauna mei ka nauthoglu igne mala hata fajifla ghau iara.

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Nodi Khoje Hatimare Mae Jiu 115:16

Kligna na nogna namono Lord kolho, nu nauthoglu igne mana neke tusu ranghini naikno.

Eksodas 18:11

Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Eksodas 23:27

“Iara ginau na tusu lao namhagu biꞌo ka naikno nate tei ghotilo tadi are mala mhaghu ghami ghotilo, eghuteuna naikno te tirodi ghami ghotilo are ginau na rikha ghami ghotilo.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Profet Isaia 19:1

Lord ne fakakhana ka iara eigna Ijep: Mana ginauna tei Ijep ke kligna gna kaisei grokho te umhu fara. Kate tei te thoke mana Ijep na, nodi mumuju god mae Ijep igre mhaghu ne fififri fara. Eghuteuna naiknodi Ijep re jaola ne mhaghu nodi fara.

Profet Isaia 23:5

Kate nomhini naiknodi Ijep igre u thoutonu eigna namono biꞌo Taea igne, mare mhaghu nodi ne nanga nodi fara.

Profet Jeremaea 27:5

‘Ka nogu nolaghi biꞌo, iara neke vuavuha nauthoglu igne baludi naikno nei gobigna lepo fateote'o te au ke lamna gna. Eghuteuna iara tufa glepo igre ka ihei te vahini iara na.

Profet Nahum 2:10

Namono igne la thono groꞌe farahi. Mae naoka igre la hata fahui gobigna lepore. Theo kaisei glepo te au na. Naiknore mhaghu fara, ne thofno gla'e soru, eghuteuna tathadi nei foflodi teure thono diꞌa fara filodi re.

Naba 20:14

Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.

Naba 20:24

“Mae Eron gne ginauna theome tangomana te tei thoke ka vido te nhaꞌa chekeni iara mala tufa ka naiknodi Israel gre, nu mana ginauna lehe, naugna ghopa ne theome leghudi nogu cheke iara re jare ka Khoꞌu Meriba.

Matiu 20:15

Iara tangomana te eni unha iara te magnahaghei ka nogu sileni thegu re. Ba iagho goghotu naugna te keli iara ranghidi naikno tuare sia?’ ”

Diutronomi 11:25

Eghuteuna kate tei ghotilo ka glose igne na, ginauna theo kaisei naikno nate kegra fanogra ghami ghotilo na, naugna Lord nomi God ghotilo na ginauna edi naiknore mala mhaghu ghami ghotilo jateula teke nhaꞌa chekenihi mana ka ghotilo ia eghu.

Diutronomi 2:25

Funu gognarogne, iara ginauna edi naikno ka namono te gnafa igre mala mhaghu ghami ghotilo. Kate nomhidi mare thoutonu eimi ghotilo na, mare ginauna mhaghu nodi fara na fififri fara thinidi re.’ ”

Diutronomi 28:10

Eghume naikno te gnafa ka nauthoglu igne ginauna filo glani ghami ghotilo te nogna naikno Lord na, eghuteuna mare ginauna mhaghu ghami ghotilo.

Diutronomi 32:8

God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.

Hibru 11:31

Kaisei gaꞌase vine, nanghagna na Rehab, neke fatutuani ni God. Naugna igne, kate grofo namono na, naꞌa neke theome lehe baludi naikno te tirodi leghuni God na. Naugna naꞌa neke taji fakelidi phei maedi Israel teke mei efra poru ka namono Jeriko.

Josua 2:11

Kate nomhidi ghehati thoutonu eidi glepo igre, ghehati mhaghu nomi fara. Eghuteuna gognarona gaoghathomi ghehatire thofno glaꞌe farahi. Lord nomi God ghotilo igne mana thofno God gna kligna nei nauthoglu igne.

Josua 2:24

Phia mare ne cheke eghu ka mae Josua, “Tahati thofno laseni Lord na snakre meihi ka tahati namono biꞌo igne. Naikno te gnafa ka namono igre thono mhaghu nodi fara ka tahati.”

Josua 2:8

Kate theome thuru nga teu phei mae igre, Rehab tei ne filodi phei mae igre

Josua 5:1

King te gnafadi Amo te au ke mosu Khoꞌu biꞌo Jordan igre, nei king te gnafadi Kenan te au rhegna Thongna Mediterenian igre eghu mare ne nomhini thoutonu eigna Lord te fakrangoni Khoꞌu biꞌo Jordan te kasa naiknodi Israel igne. Aonu mare ne thofno mhaghudi fara maedi Israel igre ne thofno glaꞌe soru gaoghathodire.

Josua 6:2

Nu Lord ne cheke eghu ka mae Josua, “Gognarona iara na snakre ari ka iagho namono Jeriko, balugna king, nei hatimare mae soldia fateote'o.

Josua 9:10

Eghuteuna ghehati jaola nomhidi unha te edi mana ka phei nodi king maedi Amoraet te au ke maghati rhegna Khoꞌu biꞌo Jordan. King Sihon maegna kantri Hesbon ghe king Og maegna kantri Besan, nei namono biꞌo Astarot.

Josua 9:24

Mare ne cheke eghu ka mae Josua, “Mae biꞌo, ghehati ginauna eni tuana, naugna ghehati lasenihi eigna Lord nomi God ghotilo igne neke chekehi ka mae Moses, nogna mae gloku mana tifa ia, mana ginauna tusu ari namono igne ka ghotilo. Eghuteuna kate mei ghotilo ke lamnagna namono igne, ghotilo ginauna falehe ghami ghehati gnafa. Eghuteuna ghehati jaola laseni cheke igne thofno tutuani fara, naugna igne ghehati mhaghu ghami ghotilo fara. Eghume, ghehati mala eni igne gognarona, naugna ghehati theome magnahaghei te lehe na.

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.

Jajis 7:14

Keha soldia na ne cheke eghu, “Nou mifi iagho igne theome eigna unha nga, nu gaoghathogna na, God ginauna snakre lao ghita tahati armigna Midian ka khamegna Gidion thugna Joas, armi komanda gna Israel!”