Josua 2:7 - Buka Blahi Ka Cheke Holo

⁷ Eghume, nogna mae gloku mae king igre jifla ne tei hirodi phei mae igre, eghuteuna ke leghugna te jifla te tei mae igre, mae greireghire ne bobotho grengathagna namono na. Mare hirodi phei mae igre ne ghilei tei posa ka vido aheva te tei kasa ka Khoꞌu biꞌo Jordan.

Josua 2:7 Iomraidhean Croise

Mae Khuru 5:23

“Tore! Kate posa lao ghehati ka u suga sosolo na, grengathare kafe bibilakhi eghuteuna mae soldiare kafe reireghi u ngala grengathare. Nu kate tora ghehati grengathare, ghehati theome filoni ngala kaisei mae ke lamnagna suga sosolo na.”

Josua 2:5

Phei mae igre kela jiflahi neke bobotho nga grengathagna namono biꞌo igne kani theome plulu nga neku naprai na. Iara theome laseni aheva te tei repa na. Nu jame te ghosei te tei ghotilo ke leghudire, ghotilo ginauna tangomana te tei thafodire.”

Josua 2:6

Nu Rehab ne pophoru phei mae igre ke tagru suga ke pari khifra teke lilisei naꞌa te mala ghoꞌe ka naprai re.

Josua 2:8

Kate theome thuru nga teu phei mae igre, Rehab tei ne filodi phei mae igre

Jajis 12:5

Armigna Gilead igne jaola ne lilisei mae mala reireghi ka vido te gnafa aheva soldiadi Efrem tangomana te tei kasa ka Khoꞌu biꞌo Jordan teke pulo ka nodi namono re. Kate filoni kaisei mae ka vikegna Efrem mei te tore mala kasa ka khoꞌu na teuna, mae greireghi igre ginauna ghusna eghu, “Iagho vikegna Efrem?” Eghuteuna jame te cheke eghu mana na, “Theo,”

Jajis 3:28

Aonu mana ne cheke eghu, “Ghotilo mei leghu ghau iara! Lord na la snakre meihi vikegna Moab ka khameda tahati!” Aonu mare leghuni mana ne soru ka nabrou re ne kasa ka Khoꞌu biꞌo Jordan. Eghuteuna mare theome snakreni kaisei maegna Moab te kasa ka khoꞌu na te tei Moab.