Josua 2:4 - Buka Blahi Ka Cheke Holo

⁴ Nu naꞌa porudihi phei mae igre ne cheke eghu ka mare, “Tutuani, phei mae igre neke mei ka sugagu iara na gne, nu iara theome lasedi neke mei funudi aheva.

Josua 2:4 Iomraidhean Croise

Fapea Kings 6:19

Eghuteuna mae Elisa ne tei cheke eghu ka maedi Siria gre, “Ghotilo la snivihi. Namono igne theome namono te hironi ghotilo na. Iara ginauna batu ghami ghotilo tei ka mae te hironi ghotilo na.” Aonu mana batudi mare ne tei ka namono biꞌo Samaria.

Eksodas 1:19

Repa ne cheke eghu ka mana, “King, gaꞌase Hibru gre theome jateula gaꞌasedi Ijep igre eghu. Bligi kolho ka rehati Hibru te fakarha sua na, nu ghehati theome tangomana te ghosei te fakarha sua na. Eghume kate theome posa lao teu kaisei ka ghepa ka vido igne na, rehati la kulu karhahi thudire eghu.”

Jemes 2:25

Jateula Rehab, kaisei gaꞌase vine. Thogheiro na naꞌa nake doglo fara ke ulugna God naugna naꞌa neke fatutuani ni God neke toghodi phia maedi Israel teke mei efra re neke pophorudi phiamare ka nogna suga na. Aonu ke leghugna igne naꞌa toghodi phiamare neke pulo ka keha nabrou delei.

Josua 2:3

mana kurudi keha mae ne tei ka gaꞌase igne, ne cheke eghu ka naꞌa, “Iagho falalase phei mae te mei filo poru ka noda namono tahati gne, te mei au teu ka sugamu iagho na are!”

Josua 2:5

Phei mae igre kela jiflahi neke bobotho nga grengathagna namono biꞌo igne kani theome plulu nga neku naprai na. Iara theome laseni aheva te tei repa na. Nu jame te ghosei te tei ghotilo ke leghudire, ghotilo ginauna tangomana te tei thafodire.”

Josua 6:17

Tahati ginauna thofno goigoni ni fara namono igne baludi gobigna lepo fateote'o te au ke lamnagna, jateula noda fafara blahi eghu ka Lord. Rehab thau vine igne nei tharaknagna naꞌa te au ka nogna suga na igre ngala te mala thosei falehedi tahati na, naugna naꞌa neke pophoru phei noda mae tahati ra.

Josua 6:25

Mae Josua ne theome faleheni Rehab balu tharaknagna, naugna naꞌa neke pophoru fakelidi nei fakarhidi neku phei mae teke kuru teidi mae Josua teke sighoni namono Jeriko. Vikegna naikno biꞌo igne au agne Israel ghilei mei posa ka narane gognarogne.