Josua 2:24 - Buka Blahi Ka Cheke Holo

²⁴ Phia mare ne cheke eghu ka mae Josua, “Tahati thofno laseni Lord na snakre meihi ka tahati namono biꞌo igne. Naikno te gnafa ka namono igre thono mhaghu nodi fara ka tahati.”

Josua 2:24 Iomraidhean Croise

Eksodas 15:15

Aonu hatimare mae biꞌo te mala baubatu ka phei kantri Idom nei Moab teu gre ne nanga nodi fara. Eghuteuna nodi nanheta naiknodi Kenan re ne blalho jateula nabubla hamerane ra neu kolho.

Eksodas 23:31

“Iara ginau na tusu ari ka ghotilo vido te funu ka grathagna ke mata ka Thonga Ukru igne tei posa ka Thonga biꞌo ke mosu Mediterenian. Eghuteuna funu ka Khoꞌu biꞌo Iufretis ke raru na tei posa ka namono nagou ke maghati. Eghuteuna iara ginau na tusu ari nolaghi ka ghotilo mala funei frunidi ghotilo naikno te au ka vido glose igne, eghuteuna kate tei ghotilo te ruma ka kantri igne na, ghotilo ginau na brue fajifladi naikno teke kulu au teku jare ra.

Proveb 25:13

Mae te mala atha cheke te keli na jateula khoꞌu jemnu malagna mae ihei te loku heta ka thobi kate brana naprai ia eghu. Igne te kelitagna nogna mae funei na.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Josua 2:23

Ke leghu, phei mae igre neke soru funudi ka thogelero neke tei kasa ka Khoꞌu biꞌo Jordan neke pulo ka mae Josua. Eghuteuna phia mare ne toutonu ka mae Josua eidi gobigna lepo te edi phei mae igre.

Josua 5:1

King te gnafadi Amo te au ke mosu Khoꞌu biꞌo Jordan igre, nei king te gnafadi Kenan te au rhegna Thongna Mediterenian igre eghu mare ne nomhini thoutonu eigna Lord te fakrangoni Khoꞌu biꞌo Jordan te kasa naiknodi Israel igne. Aonu mare ne thofno mhaghudi fara maedi Israel igre ne thofno glaꞌe soru gaoghathodire.

Josua 6:2

Nu Lord ne cheke eghu ka mae Josua, “Gognarona iara na snakre ari ka iagho namono Jeriko, balugna king, nei hatimare mae soldia fateote'o.

Josua 8:1

Aonu Lord ne cheke eghu ka mae Josua, “Thosei mhaghu, ba suaraghi. Hata soldia balumu tei magra Ai. Iara ginauna togho nigho, eghuteuna iagho ginauna uluni mae king gna Ai. Eghuteuna iara ginauna snakre ari naikno gna nei glose gna teu namono tuana ka khamemu iagho.

Jajis 1:2

Lord ne cheke eghu ka mare, “Vikegna Juda nate kulu tei magra na, naugna iara neke tufa glose ka mare.”

Jajis 18:10

Kate tei te posa tahati ka namono tuana, ghotilo ginauna filodi naiknore gaoghatho dina mare au kolho ka vido te karha eghu. Namono igne namono biꞌo eghuteuna au gobigna lepo te magnahaghedi tahati re. Eghuteuna God la snakrenihi namono igne ka tahati!”

Jajis 7:9

Ka bongi tuana, Lord ne cheke eghu ka Gidion, “Gidion, kegra haghe! Tei magra ka armigna Midian. Iara ginauna togho nigho iagho mala uludi mare!